ରାଉରକେଲା : ଚାକିରୀ ଦେବା ନାଁ ରେ କଲେଜ ଛାତ୍ରଛାତ୍ରୀଙ୍କୁ ଟାର୍ଗେଟ କଲେ ଅନଲାଇନ ଠକ ଦଳ।। ୫୦ ରୁ ଉର୍ଦ୍ଧ୍ବ କିଶୋର କିଶୋରୀ ଠକେଇର ଶିକାର।

ଅନଲାଇନ ଠକ ରାକେଟ ଏଥର ଟାର୍ଗେଟ କରିଛନ୍ତି ରାଉରକେଲାର ବିଭିନ୍ନ କଲେଜ ରେ ପଢ଼ୁଥିବା ଛାତ୍ରଛାତ୍ରୀ ଏବଂ ବେକାର କିଶୋର କିଶୋରୀଙ୍କୁ। ରେଜିଷ୍ଟ୍ରେସନ ଲାଗି କିଛି ଅର୍ଥ ଦେଇ ଘରେ ବସି ମାସକୁ ୯ ହଜାର ରୋଜଗାର କରିବା ଲୋଭ ଦେଖାଇ ଏଥର ଠକିଛନ୍ତି ପିଲାମାନଙ୍କୁ । ମେସେଜ କରି ପ୍ରଥମେ ଜାଲ ବିଛାଇଲେ ସାଇବର ଠକ। ଏହି ଜାଲରେ ପଡିଗଲେ ୫୦ ରୁ ଉର୍ଦ୍ଧ ଯୁବକ ଯୁବତୀ। ବିଏସଏନଏଲ କଲ ସେଣ୍ଟର ରେ କାମ ଦେବା କହି ରାଉରକେଲା ର ଏହି ଶିକ୍ଷିତ ପିଲାଙ୍କ ପାଖରୁ ଟଙ୍କା ଲୁଟିନେଲେ ସାଇବର ଠକ। ବ୍ୟାଙ୍କ ଆକାଉଣ୍ଟ ରେ ଫୋନ ପେ ଓ ଗୁଗଲ ପେ ମାଧ୍ୟମରେ ନେଲେ ରେଜିଷ୍ଟ୍ରେସନ ଫି। କାହାଠାରୁ ୧୧ ହଜାର ତ କାହାଠାରୁ ୧୧ ଶହ। ଗୁଗଲ ମିଟ ରେ ଇଣ୍ଟରଭିଉ କରି ନିଯୁକ୍ତି ମଧ୍ୟ ଦେଇଦେଲେ ଏହି ଠକ ଦଳ। ଏବେ କଲ ଆସିଥିବା ମୋବାଇଲ ନମ୍ବର ସୁଇଚ ଅଫ ରହିଛି ଏବଂ ମେଲ ଆଇଡି ବ୍ଲକ ହୋଇଯାଇଛି । ଜଣେ ବ୍ୟକ୍ତି ହିଁ ନିଜର ନାମ ବଦଳାଇ ବିଭିନ୍ନ ମୋବାଇଲ ଫୋନ ରେ ନିଯୁକ୍ତି ଦେବା ଠାରୁ ଆରମ୍ଭ କରି ଇଣ୍ଟରଭିୟୁ କରିଥିବା ଜଣାପଡିଛି। ଏ ବାବଦରେ ରାଉରକେଲା ସାଇବର ଥାନାରେ ଏତେଲା ମଧ୍ୟ ଦେଇଛନ୍ତି ଠକେଇ ର ଶିକାର ହୋଇଥିବା କିଶୋର କିଶୋରୀ।