ରାଉରକେଲା ରେ ଚୋରା କାଠ ବ୍ୟବସାୟ ଉପରେ ବନ ବିଭାଗର ଚଢ଼ାଉ।। ୬ ଲକ୍ଷ ଟଙ୍କା ମୂଲ୍ୟର ଚୋରା କାଠ ଜବତ।। କାଠ ମାଫିଆ ଫେରାର।

ରାଉରକେଲା ବନବିଭାଗ ପକ୍ଷରୁ ରେଳ ଷ୍ଟେସନ ପଛପଟ ଗୋପବନ୍ଧୁ ପାଲି ଅଞ୍ଚଳରେ ଚଢ଼ାଉ କରାଯାଇ ବିପୁଳ ପରିମାଣର ଚୋରା ମୂଲ୍ୟବାନ କାଠ ଜବତ କରାଯାଇଛି।

ଜବତ କାଠର ଆନୁମାନିକ ମୂଲ୍ୟ ୫ ରୁ ୬ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ଜବତ କାଠ ମଧ୍ୟରେ ଶାଳ , ପିଆଶାଲ , ଗହ୍ମାରି ଆଦି ମୂଲ୍ୟବାନ କାଠ ରହିଛି। ବିଶ୍ୱସ୍ତ ସୂତ୍ରରୁ ଖବରପାଇ ରାଉରକେଲା ବନଖଣ୍ଡ ର ଡି ଏଫ ଓ ଯଶବନ୍ତ ସେଠୀଙ୍କ ନେତୃତ୍ୱରେ ୩୮ ଜଣିଆ ଟିମ ମାଜିଷ୍ଟ୍ରେଟଙ୍କ ସହ ସୋମବାର ଭୋରୁ ଗୋପବନ୍ଧୁପାଲି ଅଞ୍ଚଳରେ ଚଢ଼ାଉ କରିଥିଲେ। ଚଢ଼ାଉ ଖବର ପାଇ ଘରେ ତାଲା ପକାଇ କାଠ ମାଫିଆ ମାନେ ଫେରାର ହୋଇଯାଇଥିଲେ। ମାଜିଷ୍ଟ୍ରେଟ ଙ୍କ ଉପସ୍ଥିତି ରେ ତାଲା ଭାଙ୍ଗି ବେଆଇନ ଭାବେ ରଖାଯାଇଥିବା କାଠ ଜବତ କରାଯାଇଥିଲା । ବନବିଭାଗ ପକ୍ଷରୁ ଅଧିକ ତଦନ୍ତ ଜାରି ରହିଛି ।