ଆଜିଠାରୁ ଦୁଇଦିନିଆ ଭାରତ ବନ୍ଦ।।୧୨ ଦଫା ଦାବି ନେଇ କେନ୍ଦ୍ରୀୟ ଶ୍ରମିକ ସଂଗଠନ ମିଳିତ ମଞ୍ଚ ପକ୍ଷରୁ ଦୁଇଦିନିଆ ଭାରତ ବନ୍ଦ ଡାକରା।

କେନ୍ଦ୍ରୀୟ ଶ୍ରମିକ ସଙ୍ଗଠନ ମାନଙ୍କ ମିଳିତ ମଞ୍ଚର ଦୁଇଦିନିଆ ସର୍ବଭାରତୀୟ ଧର୍ମଘଟ ଆଜିଠାରୁ ଆରମ୍ଭ ହୋଇଛି। ଦେଶବାସୀଙ୍କ ସାମ୍ବିଧାନିକ ଅଧିକାରର ସୁରକ୍ଷା ସମେତ ୧୨ ଦଫା ଦାବି ନେଇ ଏହି ଭାରତ ବନ୍ଦ ଡାକରା ଦିଆଯାଇଛି।

ବନ୍ଦ ର ପ୍ରଭାବ ଓଡିଶା ସମେତ ଦେଶର ବିଭିନ୍ନ ସ୍ଥାନରେ ପଡିଛି। ବିଶେଷ କରି ବ୍ୟାଙ୍କ ଏବଂ ବୀମା ସେବା କ୍ଷେତ୍ର ଏହି ବନ୍ଦ ଯୋଗୁ ପ୍ରଭାବିତ ହୋଇଛି। ବସ , ଟ୍ରେନ ସେବା ପ୍ରଭାବିତ ହେବାର ଆଶଙ୍କା ଥିବାରୁ ବ୍ୟାପକ ସୁରକ୍ଷା ବ୍ୟବସ୍ଥା ନିଆଯାଇଛି। ରାଉରକେଲା ସମେତ ସୁନ୍ଦରଗଡ଼ ଜିଲ୍ଲାରେ ମଧ୍ୟ ବନ୍ଦ ର ପ୍ରଭାବ ପଡିଛି। ପେଟ୍ରୋଲ ପମ୍ପ ବନ୍ଦ ରହିବା ସହ ଦୋକାନ ବଜ଼ାର ଆଶିଙ୍କ ଭାବେ ବନ୍ଦ ରହିଛି। ରାଉରକେଲା ର ବିଶ୍ରାରୋଡ଼ ସମେତ ବିଭିନ୍ନ ସ୍ଥାନରେ ମିଳିତ ଶ୍ରମିକ ସଙ୍ଗଠନ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ଆଇନ ଶୃଙ୍ଖଳା ସ୍ଥିତ ବଜାୟ ରଖିବାକୁ ବିଭିନ୍ନ ଛକ ସ୍ଥାନରେ ପୋଲିସ ଫୋର୍ସ ମୁତୟନ କରାଯାଇଛି।
ଜିଲ୍ଲାର କୋଇଡା , ବଣେଇ ଅଞ୍ଚଳରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି। ବିଶେଷ କରି ଖଣି , ଖାଦାନ ଏବଂ ରେଲୱେ ସାଇଡିଂ କ୍ଷତ୍ରରେ ବନ୍ଦ ର ପ୍ରଭାବ ପଡିଥିବା ପରିଲକ୍ଷିତ ହେଉଛି।