ବନ୍ଧମୁଣ୍ଡା କୁକୁଡ଼ା ଗେଟ ଓଭର ବ୍ରିଜ ନିର୍ମାଣକୁ ବିରୋଧ କରି ସ୍ଥାନୀୟ ଲୋକଙ୍କ ରାସ୍ତା ଅବରୋଧ।। ଘଟଣା ସ୍ଥଳରେ ଉତ୍ତେଜନା।। ବହୁ ବିକ୍ଷୋଭକାରୀଙ୍କୁ ଅଟକ ରଖିଲା ପୋଲିସ ।

ରାଉରକେଲା ନିକଟ ବହୁ ପ୍ରତୀକ୍ଷୀତ ବନ୍ଧମୁଣ୍ଡା କୁକୁଡାଗେଟ ନିର୍ମାଣକୁ ସୋମବାର ଦିନ ବିସ୍ଥାପିତ ପରିବାର ପକ୍ଷରୁ କଡା ବିରୋଧ କରାଯାଇଛି lସ୍ଥାନୀୟ ଲୋକ ମାନେ ରାଉରକେଲା – ଜରେଇକେଲା ମୁଖ୍ୟ ରାସ୍ତାକୁ ଅବରୋଧ କରିଛନ୍ତି l

ଏହାକୁ କେନ୍ଦ୍ରକରି ଘଟଣାସ୍ଥଳରେ ପ୍ରବଳ ଉତ୍ତେଜନା ପ୍ରକାଶ ପାଇଛି l ଜିଲ୍ଲା ପ୍ରଶାସନିକ ଅଧିକାରୀ ଓ ବରିଷ୍ଠ ପୁଲିସ ଅଧିକାରୀ ମାନେ ଘଟଣା ସ୍ଥଳରେ ପହଞ୍ଚି ଉତ୍ତେଜିତ ଲୋକଙ୍କୁ ବୁଝା କରି ଥିଲେ ହେଁ ସମାଧାନ କୌଣସି ବାଟ ବାହାରି ପାରିନି l ଯେ ପର୍ଯ୍ୟନ୍ତ ବିସ୍ଥାପିତ ପରିବାରକୁ ଉପଯୁକ୍ତ କ୍ଷତିପୂରଣ, ଜମି ବଦଳରେ ଜମି ନ ମିଳିଛି ସେ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ବିସ୍ଥାପିତ ପରିବାରଙ୍କ ପକ୍ଷରୁ ଚେତାବନୀ ଦିଆଯାଇଛି l ଉତ୍ତେଜନା ବଢ଼ୁଥିବାରୁ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଇଥିଲା।

ବିକ୍ଷୋଭକାରୀଙ୍କ ମଧ୍ୟରୁ ପୋଲିସ କେତେକଙ୍କୁ ଅଟକ ରଖିଛନ୍ତି । ବିକ୍ଷୋଭକାରୀଙ୍କ ପୋଲିସ ସହ ଧସ୍ତାଧସ୍ତି ମଧ୍ୟ ଚାଲିଛି। ପରିସ୍ଥିତିକୁ ଦୃଷ୍ଟିରେ ରଖି ଘଟଣାସ୍ଥଳରେ ବ୍ୟାପକ ପୁଲିସ ମୁତୟନ କରାଯାଇଛି l ସେପଟେ ରାସ୍ତାରୋକୋ ଯୋଗୁ ରାସ୍ତାର ଉଭୟ ପାର୍ଶ୍ଵରେ ବହୁ ଗାଡି , ମଟର ଅଟକି ରହିଛି l