ସାମ୍ୱାଦିକ ମାନଙ୍କୁ ଆକ୍ରମଣ ଘଟଣାରେ ରାଉରକେଲାରେ
ଏସ ୟୁ ଜେ ର ତୀବ୍ର ପ୍ରତିକ୍ରିୟା।। ଦୋଷୀଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଦାବି।

ତ୍ରିସ୍ତରୀୟ ପଞ୍ଚାୟତ ନିର୍ବାଚନର ତୃତୀୟ ପର୍ଯ୍ୟାୟରେ ବ୍ୟାପକ ହିଂସାକାଣ୍ଡ ପରେ ଏବେ ପୋଲିସ ର କାର୍ଯ୍ୟାନୁଷ୍ଠାନ ଆରମ୍ଭ ହୋଇଯାଇଛି। ବିଶେଷ କରି ଯାଜପୁର ଜିଲ୍ଲା ରେ ବ୍ୟାପକ ନିର୍ବାଚନ ଜନିତ ହିଂସାକାଣ୍ଡ ଘଟିଥିବା ବେଳେ ବିଂଝାରପୁର ବ୍ଲକରେ ନିର୍ଦିଷ୍ଟ ରାଜନୈତିକ ଦଳର କର୍ମୀଙ୍କ ସାମ୍ବାଦିକଙ୍କ ଉପରେ ଆକ୍ରମଣ ଘଟଣା ସମସ୍ତ ସୀମା ଅତିକ୍ରମ କରିଯାଇଛି। ଯାଜପୁର ପୋଲିସ ନିର୍ବାଚନ ଜନିତ ହିଂସା ରେ ସାମିଲ ୪୨ ଜଣ ଅଭିଯୁକ୍ତଙ୍କୁ ଏପର୍ଯ୍ୟନ୍ତ ଗିରଫ କରିଥିବା ବେଳେ ସାମ୍ବାଦିକ ମାନଙ୍କୁ ଆକ୍ରମଣ ଘଟଣାରେ ୧୧ ଜଣଙ୍କୁ ଗିରଫ କରିଛି। କାର୍ଯ୍ୟରତ ସାମ୍ବାଦିକ ମାନଙ୍କ ଉପରେ ଆକ୍ରମଣ ଘଟଣାକୁ ନେଇ ସାରା ରାଜ୍ୟରେ ତୀବ୍ର ପ୍ରତିକ୍ରିୟା ଦେଖାଦେଇଛି। ରାଉରକେଲା ରେ ସୁନ୍ଦରଗଡ ଇଉନିଅନ୍ ଅଫ

ଜର୍ଣ୍ଣାଲିଷ୍ଟ ପକ୍ଷରୁ ସାମ୍ବାଦିକଙ୍କ ଉପରେ ଆକ୍ରମଣ ଘଟଣାକୁ ତୀବ୍ର ନିନ୍ଦା କରାଯିବା ସହ ବିକ୍ଷୋଭ ପ୍ରଦର୍ଶନ କରାଯାଇଥିଲା। ସମସ୍ତ ଅଭିଯୁକ୍ତଙ୍କ ଉପରେ କଡା କାର୍ଯ୍ୟାନୁଷ୍ଠାନ ଲାଗି ଏସ ୟୁ ଜେ ପକ୍ଷରୁ ମୁଖ୍ୟମନ୍ତ୍ରୀ , ରାଜ୍ୟପାଳ ଙ୍କୁ ସ୍ମାରକପତ୍ର ପଠାଯାଇଛି।