ଦୃବୃତ୍ତଙ୍କ ମାଡରେ ଯୁବକ ଗୁରୁତର ସ୍ତ୍ରୀଙ୍କୁ ଅସଦାଚରଣ ଅଭିଯୋଗ।। ସୁନ୍ଦରଗଡ ଜିଲ୍ଲା କୁତ୍ରା ପୋଲିସର ତଦନ୍ତ ଜାରି।

ସୁନ୍ଦରଗଡ଼ ଜିଲ୍ଳା କୁତ୍ରା ଥାନା ଅନ୍ତର୍ଗତ ଖତକୁରବାହାଲ ଅଞ୍ଚଳରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା। ଦୃବୃତ୍ତ ଙ୍କ ମାଡରେ ଜଣେ ଯୁବକ ଗୁରୁତର ଆହତ ହୋଇଥିବା ବେଳେ ସ୍ତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗ ଥାନାରେ ହୋଇଛି ।

ଅଭିଯୋଗ ଅନୁଯାୟୀ ସୋମବାର ଦିନ ଦ୍ବିପ୍ରହରେ ଖତକୁରବାହାଲ ଅଞ୍ଚଳର ଜଣେ ଯୁବକଙ୍କ ଘରକୁ ଖତକୁରବାହାଲ ର କିଛି ଯୁବକ ଆସି ତାଙ୍କ ସ୍ତ୍ରୀକୁ ଅସଦାଚରଣ କରିଥିଲେ। ସେତେବେଳେ ଉକ୍ତ ଯୁବକ ଘରେ ନଥିଲେ। କିନ୍ତୁ ହଠାତ ମହିଳାଙ୍କ ସ୍ୱାମୀ ଘରକୁ ଆସିଯିବାରୁ ନିଜ ସ୍ତ୍ରୀଙ୍କ ପ୍ରତି ଅସଦାଚରଣ ର ବିରୋଧ କରିଥିଲେ। ଏଥିରେ ଉତକ୍ଷିପ୍ତ ହୋଇ ଦୃବୃତ୍ତ ମାନେ ଉଭୟ ସ୍ବାମୀ ଓ ସ୍ତ୍ରୀଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି। ପରେ ଘଟଣା ସ୍ଥଳରୁ ଆକ୍ରମଣକାରୀ ମାନେ ଫେରାର ହୋଇଯାଇଥିଲେ । ଆକ୍ରମଣ ପରେ ଗୁରୁତର ଆହତ ମହିଳାଙ୍କ ସ୍ୱାମୀଙ୍କୁ କୁତ୍ରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଣାଯାଇ ପ୍ରାଥମିକ ଚିକିତ୍ସା କରାଯାଇଥିଲା ପରେ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ରାଉରକେଲା ସରକାରୀ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଯୁବକଙ୍କ ସ୍ତ୍ରୀ ଘଟଣା ବାବଦରେ କୁତ୍ରା ଥାନାରେ ଲିଖିତ ଅଭିଯୋଗ କଲାପରେ ପୋଲିସ ୯ ରୁ ଉର୍ଦ୍ଧ୍ବ ଯୁବକଙ୍କ ନାମରେ ଥାନାରେ ଆଇପିସିଧାରା ୧୪୭,୧୪୮,୩୪୧,
୩୫୪,୩୫୪-ବି ୩୧୫,୩୨୩,୩୨୬,
୩୦୭,୧୪୯ ରେ ମାମଲା ରଜ୍ଜୁ କରି ତଦନ୍ତ କରୁଛନ୍ତି ।