ସୁନ୍ଦରଗଡ ଜିଲ୍ଲାରେ କୋଭିଡ ସଂକ୍ରମଣ ଦୁଇ ହଜାର ପାର।। ଆଗକୁ ପଞ୍ଚାୟତ ନିବଚନ।। ଅଧିକ ସତର୍କ ରହିବାକୁ ପ୍ରଶାସନ ର ନିବେଦନ ।

ସୁନ୍ଦରଗଡ ଜିଲ୍ଲାରେ କୋଭିଡ ସଂକ୍ରମଣ ଦ୍ରୁତଗତିରେ ମାଡି ଚାଲିଛି। ଆଜି ସଂକ୍ରମଣ ୨ ହଜାର ପାର କରିଯାଇଛି। ଗତକାଲି ଜିଲ୍ଲାରେ ୧ ହଜାର ୯୪୩ ଜଣ ସଂକ୍ରମିତ ହୋଇଥିବା ବେଳେ ଆଜି ୨ ହଜାର ୧୩୬ ଜଣ କୋଭିଡ ଆକ୍ରାନ୍ତ ଚିହ୍ନଟ ହୋଇଛନ୍ତି। ଜିଲ୍ଲାରେ ରାଉରକେଲା ସହରାଞ୍ଚଳ ରେ ସବୁଠାରୁ ଅଧିକ କୋଭିଡ ଆକ୍ରାନ୍ତ ୯୬୫ ଜଣ ଚିହ୍ନଟ ହୋଇଛନ୍ତି।

ଆଜି ସୁନ୍ଦରଗଡ ସହରାଞ୍ଚଳରେ ମଧ୍ୟ ଆକ୍ରାନ୍ତଙ୍କ ସଂଖ୍ୟା ଵୃଦ୍ଧି ପାଇଁ ୪୧୫ ରହିଛି। ଜିଲ୍ଲାର ବିଭିନ୍ନ ପ୍ରବେଶ ପଥରେ ଯାଞ୍ଚ ବ୍ୟବସ୍ଥା କୁ କଡାକଡି କରା ଯାଇଛି। ରାଉରକେଲା ମହାନଗର ନିଗମର ରାପିଡ଼ ରେସପନ୍ସ ଟିମ ଘର ଘର ବୁଲି ଗୃହରେ ସଂଗରୋଧରେ ଥିବା କୋଭିଡ ଆକ୍ରାନ୍ତଙ୍କ ଚିକିତ୍ସା ବ୍ୟବସ୍ଥା ତଦାରଖ କରୁଛନ୍ତି। ଷ୍ଟେସନ , ବସ ଷ୍ଟାଣ୍ଡ ଏବଂ ଅନ୍ୟ ଜନଗହଳି ସ୍ଥାନରେ ଲୋକଙ୍କୁ ମାସ୍କ ପରିଧାନ କରି ସାମାଜିକ ଦୂରତା ରକ୍ଷା କରିବାକୁ ସଚେତନ କରାଯାଉଛି। ଆସନ୍ତାକାଲି ଠାରୁ ପଞ୍ଚାୟତ ନିର୍ବାଚନ ଲାଗି ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହେବ। କୋଭିଡ ପ୍ରୋଟୋକାଲ ମଧ୍ୟରେ ନିର୍ବାଚନ ପ୍ରକ୍ରିୟାରେ ସାମିଲ ହେବାକୁ ରାଜନୈତିକ ଦଳକୁ ପ୍ରଶାସନ ପକ୍ଷରୁ ନିବେଦନ କରାଯାଇଛି। ସୁନ୍ଦରଗଡ଼ ଜିଲ୍ଲା ୫ ଦିନ ହେଲା ଲଗାତାର ଭାବେ କୋଭିଡ ସଂକ୍ରମଣର ରାଜ୍ୟରେ ଦୂତୀୟ ସ୍ଥାନରେ ରହିଛି। ଆଜି ରାଜ୍ୟରେ କୋଭିଡ ଆକ୍ରାନ୍ତଙ୍କ ସଂଖ୍ୟା ୧୧ ହଜାର ପାର କରିଯାଇଥିବା ବେଳେ ଖୋର୍ଦ୍ଧା ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୩ ହଜାର ପାର କରିଯାଇଛି।