ଦନ୍ତା ଆକ୍ରମଣରୁ ଅଳ୍ପକେ ବର୍ତ୍ତିଲେ ପରିବାର ସଦସ୍ୟ।। ଦୁଇଟି ଘର ଭାଙ୍ଗି ଦେଲା ଦନ୍ତାହାତୀ।। ବଣେଇ ବନବିଭାଗ ପକ୍ଷରୁ ହାତୀ ଘଉଡାଇବାକୁ ଉଦ୍ୟମ ଜାରି।

0 266

ଭାଙ୍ଗି ଯାଇଥିବା ଘରୁ ନଷ୍ଟ ହୋଇଯାଇଥିବା ଆସବାବପତ୍ର ସାଉଁଟି ପୁଣି ଥରେ ଜୀବନ ସଂଘର୍ଷ କରିବାକୁ ଉଦ୍ୟମ କରୁଛନ୍ତି ମହିଳା। ଗତକାଲି ରାତିରେ ହାତୀ ଆକ୍ରମଣରୁ ସେ ଏବଂ ତାଙ୍କ ପରିବାର ବର୍ତ୍ତି ଯାଇଥିବାବେଳେ ହାତୀ ଘରଟିକୁ ଭାଙ୍ଗି ଦେଇଥିଲେ

। ସୁନ୍ଦର ଗଡ଼ ଜିଲ୍ଲା ବଣାଇ ଫରେଷ୍ଟ ରେଞ୍ଜ ରେ ଏହି ପରି ହାତୀ ଆତଙ୍କ ପ୍ରତିଦିନ ଲାଗି ରହିଛି। ଶନିବାର ରାତିରେ ହାତୀ କବଳରୁ ଗୋଟିଏ ପରିବାରର ଲୋକମାନେ ଅଳ୍ପକେ ବର୍ତ୍ତି ଯାଇଥିବାବେଳେ ହାତୀ ସେଠାରେ ଦୁଇଟି ଘର ଭାଙ୍ଗି ଦେଇଛି। ପ୍ରଥମେ କୁଳିପୋଷ ର ଜଙ୍ଗଳା ଗ୍ରାମରେ ଏହି ଦନ୍ତା ଉତ୍ପାତ କରି ଏବେ ବଣାଇ ରେଞ୍ଜ ର ଜକେଇକଳା,ବଡପୋଷ, ତଳିତା, ବାଘା ପାଲି, ଭାଙ୍ଗଡ଼ିହି ପ୍ରଭୁତି ଗ୍ରାମକୁ ଆସି ଉପଦ୍ରବ ଜାରି ରଖିଛି। ରାତିରେ ହାତୀ ଡରରେ ଗ୍ରାମବାସୀ ମାନଙ୍କ ତାଟି କବାଟ ପଡିଯାଉଛି । ବନ କର୍ମଚାରୀ, ସ୍ଥାନୀୟ ଗ୍ରାମବାସୀ ହାତୀ କୁ ଘଉଡ଼ାଇ ବାକୁ ଉଦ୍ୟମ ଜାରିରଖିଛନ୍ତି। ଏହି ଦନ୍ତା ହାତୀଟି ଗୋଠ ରୁ ବାହାରି ଏକୁଟିଆ ହୋଇ ଯାଇ ଥିବାରୁ ଲୋକମାନଙ୍କ ଉପରେ ବିନା କାରଣରେ ଆକ୍ରମଣ କରୁଛି । ଫସଲ ମଧ୍ୟ ଦଳି ଚକଟି ନଷ୍ଟ କରିଦେଉଛି। ଏହି ଦନ୍ତା ପ୍ରତି ସତର୍କ ରହିବାକୁ ଗ୍ରାମବାସୀ ମାନଙ୍କୁ ବନବିଭାଗ।ପକ୍ଷରୁ ସତର୍କ କରିଦିଆଯାଇଛି।

Leave A Reply

Your email address will not be published.