ସୁନ୍ଦରଗଡ ଜିଲ୍ଲା କୋଇଡା ବ୍ଲକ ରେ ହାତୀ ଆକ୍ରମଣରେ ସ୍ୱାମୀ ମୃତ , ସ୍ତ୍ରୀ ଅଳ୍ପକେ ବର୍ତ୍ତିଲେ। ବଣେଇ ରେଞ୍ଜ ରେ ଦନ୍ତାହାତୀ ର ଘରଭଙ୍ଗା ଅଭିଯାନ ଜାରି।

ସୁନ୍ଦରଗଡ଼ ଜିଲ୍ଲା ବଣେଇ ଉପଖଣ୍ଡ ରେ ରବିବାର ରାତିରେ ହାତୀ ଆକ୍ରମଣରେ ଜଣେ ବ୍ୟକ୍ତି ମୃତ୍ୟୁ ବରଣ କରିଛନ୍ତି।ମୃତକ ମୋହନ ପଲାଇ ତାଙ୍କ ସ୍ତ୍ରୀଙ୍କ ସହ ଘରେ ଶୋଇଥିବା ବେଳେ ହାତୀ ଆକ୍ରମଣ କରିଥିଲା।

ତାଙ୍କ ସ୍ତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି। ଏହାପରେ ହାତୀପଲ୍ଲ ସେଠାରେ ବହୁ ଘର ଭାଙ୍ଗି ଦେଇଛନ୍ତି। ଏହି ଘଟଣା ଘଟିଛି କୋଇଡା ବ୍ଲକର ଶଗଡ଼ଭଙ୍ଗା ଗ୍ରାମରେ। କେବଳ କୋଇଡା ନୁହେଁ ବଣେଇ ଅଞ୍ଚଳରେ ମଧ୍ୟ ଗତ ତିନିଦିନ ହେଲା ଏକ ଗୋଠ ଛଡା ଦନ୍ତାହାତୀ ଘର ଭାଙ୍ଗିବା ସହ ଫସଲ ନଷ୍ଟ କରୁଛି। କୁଳିପୋଷ , ଜଙ୍ଗଳା ଜକେଇକଳା,ବଡପୋଷ, ତଳିତା, ବାଘା ପାଲି, ଭାଙ୍ଗଡ଼ିହି ଆଦି ଗ୍ରାମରେ ହାତୀପଲ୍ଲ ତିନିଦିନ ହେଲା ଘରଦ୍ୱାର ଭାଙ୍ଗୁଥିବା ବେଳେ ଗତକାଲି ରାତିରେ ମଧ୍ୟ କେତେକ ସ୍ଥାନରେ ଘର ଭାଙ୍ଗିବା ସହ ଫସଲ ନଷ୍ଟ କରିଛନ୍ତି। ସୁନ୍ଦରଗଡ଼ ଜିଲ୍ଲାରେ ଦିନକୁ ଦିନ ହାତୀ ଉପଦ୍ରବ ଭୟଙ୍କର ରୂପ ନେଉଥିବାରୁ ଏହାର ସ୍ଥାୟୀ ସମାଧାନ ଲାଗି ସ୍ଥାନୀୟ ଲୋକେ ଦାବି କରିଛନ୍ତି।