ରାଉରକେଲା ସମେତ ସମଗ୍ର ସୁନ୍ଦରଗଡ଼ ଜିଲ୍ଲାରେ ଅଦିନିଆ ବର୍ଷରେ ଜନଜୀବନ ଅସ୍ତବ୍ୟସ୍ତ।। ଚାଷୀର ଅମଳ ଫସଲ ନଷ୍ଟ।

ରାଉରକେଲା ସମେତ ସମଗ୍ର ସୁନ୍ଦରଗଡ଼ ଜିଲ୍ଲାରେ ଆଜି ଘଡଘଡି ସହ ପ୍ରବଳ ବର୍ଷା ହେଉଛି। ସକାଳ ୧୦ ଟା ପର୍ଯ୍ୟନ୍ତ ପାଗ ମେଘୁଆ ଥିବା ବେଳେ ପରେ ବର୍ଷା ଆରମ୍ଭ ହୋଇଯାଇଥିଲା। ଘଡଘଡି ସାଙ୍ଗକୁ ବର୍ଷା ସାଧାରଣ ଜୀବନ ଜୀବନ କୁ ଅସ୍ତବ୍ୟସ୍ତ କରି ପକାଇଛି।

ଜିଲ୍ଲାର ରାଉରକେଲା , ବିରମିତ୍ରପୁର , ବଣାଇ , ରାଜଗାଙ୍ଗପୁର , ସୁନ୍ଦରଗଡ଼ ସହର ସମେତ ଗ୍ରାମାଞ୍ଚଳରେ ମଧ୍ୟ ବର୍ଷା ଲାଗି ରହିଛି। ଜାନୁଆରୀ ୧୦ ତାରିଖରୁ ୧୪ ତାରିଖ ପର୍ଯ୍ୟନ୍ତ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା ହେବାର ପୂର୍ବାନୁମାନ ପାଣିପାଗ ବିଭାଗ ପକ୍ଷରୁ କରାଯାଇଥିଲା। ସେହି ଅନୁସାରେ ଅମଳ ଫସଲକୁ ସାଇତି ରଖିବାକୁ ପରାମର୍ଶ ଦିଆଯାଇଥିଲା। ତଥାପି କେତେକ ସ୍ଥାନରେ ଚାଷୀର ଅମଳ ହୋଇଥିବା ଧାନ ଅଦିନିଆ ବର୍ଷାରେ ନଷ୍ଟ ହୋଇଯାଇଛି। ବର୍ଷା ଚାରିଦିନ ଲାଗିରହିବା ପୂର୍ବାନୁମାନ ଥିବାରୁ ଜିଲ୍ଲାର ସହରାଞ୍ଚଳ ରେ ଲୋକମାନେ ରଖି ଦେଇଥିବା ଛତା କୁ ପୁଣି ମନେ ପକାଇ ବ୍ୟବହାର ଆରମ୍ଭ କରିଦେଲେଣି। ବର୍ଷା ଛାଡ଼ିବା ପରେ ଶୀତ ର ପ୍ରଭାବ ବଢିବା ନେଇ ପୂର୍ବାନୁମାନ କରାଯାଇଛି।