ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୧୦୦୦ ପାର।। ସୀମାନ୍ତ ଚେକ ପଏଣ୍ଟ ରେ ଯାଞ୍ଚ ବ୍ୟବସ୍ଥା କଡାକଡି।। ସୁନ୍ଦରଗଡ଼ ଜିଲ୍ଲା ରେଡ଼ ଜୋନ ଅନ୍ତର୍ଭୁକ୍ତ।।

ସୁନ୍ଦରଗଡ଼ ଜିଲ୍ଲାରେ ହୁହୁ ହୋଇ ବଢିଚାଲିଛି କୋଭିଡ ଆକ୍ରାନ୍ତଙ୍କ ସଂଖ୍ୟା। ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୧୦୦୦ ପାର ହୋଇ ଯାଇଛି। ଜାନୁଆରୀ ୧୦ ତାରିଖ ରିପୋର୍ଟ ଅନୁଯାୟୀ ରାଜ୍ୟରେ ୭୦୭୧ ଜଣ , ସୁନ୍ଦରଗଡ଼ ଜିଲ୍ଲାରେ ୧୧୪୭ ଜଣ , ଏବଂ ଭୁବନେଶ୍ୱରରେ ୨୨୨୬ ଜଣ କୋଭିଡ ରେ ଆକ୍ରାନ୍ତ ହୋଇଛନ୍ତି

। ସୁନ୍ଦରଗଡ଼ ଜିଲ୍ଲା ଆକ୍ରାନ୍ତଙ୍କ ସଂଖ୍ୟା ଦୃଷ୍ଟିରୁ ରେଡ଼ ଜୋନ ରେ ଥିବା ବେଳେ ପ୍ରଶାସନ ପକ୍ଷରୁ ବ୍ୟାପକ ସତର୍କତା ମୂଳକ ପଦକ୍ଷେପ ନିଆଯାଇଛି। ଜିଲ୍ଲାର ବିଶ୍ରା ଥାନା ଅନ୍ତର୍ଗତ ମହିପାଣି ଠାରେ ଏକ ଚେକ ପୋଷ୍ଟ କରାଯାଇ ଅନ୍ୟ ରାଜ୍ୟରୁ ଆସୁଥିବା ଲୋକଙ୍କ ଉପରେ ସତର୍କ ଦୃଷ୍ଟି ରଖାଯାଇଛି। ସେହିପରି ବିରମିତ୍ରପୁର ସୀମାନ୍ତରେ ମଧ୍ୟ ଚେକ ପୋଷ୍ଟ କରାଯାଇ ସହର ମଧ୍ୟକୁ ଆସୁଥିବା କୋଭିଡ ଲକ୍ଷଣଯୁକ୍ତ ଲୋକଙ୍କ ଟେଷ୍ଟ କରାଯାଉଛି। ଏଥିଲାଗି ସୀମାନ୍ତ ଚେକ ଗେଟ ରେ ଏକ ଅସ୍ଥାୟୀ ମେଡ଼ିକାଲ କ୍ୟାମ୍ପ ମଧ୍ୟ କରାଯାଇଛି। ଅନ୍ୟପକ୍ଷରେ କୋଭିଡ ସଂକ୍ରମଣ ରୋକିବାକୁ ଜିଲ୍ଲାର ବିଭିନ୍ନ ସରକାରୀ କାର୍ଯ୍ୟାଳୟକୁ ସାନିଟାଇଜ଼ ମଧ୍ୟ କରାଯାଉଛି । ରାଉରକେଲା ଏନ ଆଇ ଟି ରେ ଶତାଧିକ ଛାତ୍ରଛାତ୍ରୀ କୋଭିଡ ରେ ଆକ୍ରାନ୍ତ ହୋଇଥିବା ବେଳେ ମହନଗର ନିଗମ କାର୍ଯ୍ୟାଳୟରେ ୫୦ ରୁ ଉର୍ଦ୍ଧ୍ବ କର୍ମଚାରୀ ଆକ୍ରାନ୍ତ ହୋଇଥିବା ସୂଚନା ମିଳିଛି।