ସୁନ୍ଦରଗଡ ଜିଲ୍ଲାର କୁତ୍ରା ବ୍ଲକରେ ହାତୀ ଦଳଙ୍କ ଉପଦ୍ରବ।। ଘର ଭାଙ୍ଗି ଧାନ , ଚାଉଳ ଖାଇଗଲେ ।

ସୁନ୍ଦରଗଡ଼ ଜିଲ୍ଲାରେ ବନବିଭାଗ ର ବହୁ ଉଦ୍ୟମ ସ୍ଵତ୍ତ୍ୱେ ହାତୀ ଆତଙ୍କ ଥମିବାର ନାଁ ନେଉନାହିଁ । ଜିଲ୍ଲାର କୁତ୍ରା ବ୍ଲକ ଅନ୍ତର୍ଗତ କିରିଙ୍ଗସେରା ପଞ୍ଚାୟତର ଝିରପାଣିରେ ଆଜି ପୁଣି ଏକ ହାତୀ ଦଳର ଉପଦ୍ରବ ଜାରି ରହିଥିବା ଦେଖିବାକୁ ମିଳିଛି ।

ଗତକାଲି ବିଳମ୍ବିତ ରାତିରେ ଏକ ୨୨ ଟିକିଆ ହାତୀ ପଲ୍ଲ ଝିରପାଣି ଗ୍ରାମକୁ ଆସି ଗ୍ରାମର ଆଲବିସ ଏକ୍କାଙ୍କ ଘର ଭାଙ୍ଗି ଧାନ ଚାଉଳ ଖାଇ ସାରିବା ପରେ ଦଳି ଚକଟି ନଷ୍ଟ କରିଦେଇଛନ୍ତି । ଗ୍ରାମବାସୀ ମାନେ ହାତୀଙ୍କୁ ନିକଟସ୍ଥ ଜଙ୍ଗଲକୁ ଘଉଡ଼ାଇ ଦେଇଛନ୍ତି। ସୂଚନା ଯୋଗ୍ୟଯେ ଦୀର୍ଘ ଏକ ମାସ ହେଲା କୁତ୍ରା ବ୍ଲକ ରେ ହାତୀ ଆତଙ୍କ ଲାଗି ରହିଛି। କେତେବେଳେ ଘର ଭାଙ୍ଗୁଛନ୍ତି ଆଉ କେତେବେଳେ ଜୀବନ ନେଇ ଯାଉଛନ୍ତି। ସ୍ଥାୟୀ ଭାବେ ହାତୀ ସମସ୍ୟାର ସମାଧାନ ଲାଗି ସ୍ଥାନୀୟ ଲୋକେ ବନବିଭାଗ ଏବଂ ପ୍ରଶାସନ ନିକଟରେ ଦାବି କରିଛନ୍ତି ।