ଦୁଇବର୍ଷ ବନ୍ଦ ରହିବା ପରେ ଖଣ୍ଡାଧାର ପର୍ଯ୍ୟଟନ ସ୍ଥଳୀରେ ପୁଣି ହେଲାଣି ଭିଡ଼।। ବଡ଼ଦିନ ଏବଂ ନୂଆବର୍ଷରେ କୋଭିଡ କଟକଣା ଯୋଗୁଁ ପର୍ଯ୍ୟଟକ ନିରାଶ।

ଦୀର୍ଘ ଦୁଇ ବର୍ଷ ହେବ ଖଣ୍ଡାଧାର ପର୍ଯ୍ୟଟନ ସ୍ଥଳୀ କୋଭିଡ ଲାଗି ବନ୍ଦ ଥିବା ବେଳେ ଏବେ ଏଠାରେ ଭିଡ଼ ଦେଖି ବାକୁ ମିଳିଲାଣି । କିନ୍ତୁ ଏବେ ପୁଣି ଡିସେମ୍ବର ୨୫ ତାରିଖ ଏବଂ ଡିସେମ୍ବର ୩୧ ରୁ ଜାନୁଆରୀ ୨ ତାରିଖ ୨୦୨୨ ଚାରିଦିନ ଲାଗି ଏଠାରେ ପିକିନିକ ସହ ଭିଡକୁ ବାରଣ କରାଯାଇଛି। କୋଭିଡ କଟକଣା ଯୋଗୁ ଏପ୍ରକାର ନିର୍ଣ୍ଣୟ ନିଆଯାଇଛି। ଗତ କିଛିଦିନ ହେଲା ବିଭିନ୍ନ ସ୍ଥାନରୁ ପର୍ଯ୍ୟଟକ ମାନେ ଆସି ଏଠାରେ ଭୋଜିଭାତ କରିବା ସହ ପ୍ରାକୃତିକ ସୌନ୍ଦର୍ଯ୍ୟ ର ମଜ଼ା ନେଉଛନ୍ତି । ଏହା ସହିତ ହଜାର ଫୁଟ ଉପରୁ ପଡୁଥିବା ଜଳପ୍ରପାତର ମନୋରମ ଦୃଶ୍ୟ କୁ ବେଶ ଉପଭୋଗ କରୁଛନ୍ତି । ପିଲାମାନଙ୍କ ଲାଗି ଶିଶୁ ଉଦ୍ୟାନ ର ଉନ୍ନତିକରଣ ହୋଇଥିବା ବେଳେ ପିଲାମାନେ ଖେଳ କୁଦ କରି ବେଶ ମଜା ନେଉଛନ୍ତି । ସେହିପରି ଭୋଜି କରିବାକୁ ସୁତନ୍ତ୍ର ପିଣ୍ଡି, ପାଣିର ସୁବିଧା ସହ ଶୌଚାଳୟ ମଧ୍ୟ ଉପଲବ୍ଧ ରହିଛି ।

ଖଣ୍ଡାଧାର ପର୍ଯ୍ୟଟନ ସ୍ଥଳୀରେ ରାତ୍ରିଯାପନ ଲାଗି ଅତି ସୁନ୍ଦର କଟେଜ କରାଯାଇଛି। ପରିବାର ସହିତ ରହି ରାତ୍ରି ଯାପନ କରିବା ସହିତ ଖଣ୍ଡାଧାର ଜଳପ୍ରପାତ ଦୃଶ୍ୟ ମଧ୍ୟ ଉପଭୋଗ କରୁଛନ୍ତି ।
ଖଣ୍ଡାଧାର ପର୍ଯ୍ୟଟନ ସ୍ଥଳୀ ରାଉରକେଲା ରୁ ୭୫ କିଲୋମିଟର ଦୁରତ୍ୱରେ ରହିଥିବା ବେଳେ ଯାତାୟାତ ଲାଗି ରାସ୍ତା ଉନ୍ନତିକରଣ ମଧ୍ୟ ଚାଲିଛି।