ରାଉରକେଲା : ଗଞ୍ଜେଇ ଚାଲାଣ ହେଉଥିବା ବେଳେ କାର ସହ ଗଞ୍ଜେଇ ଜବତ।। ୨ ଗିରଫ।
ରାଉରକେଲା:୭/୭
(ସତ୍ୟାନ୍ୟୁଜ) ମୋ ବସ୍ ଡିପୋ ନିକଟରେ ଚଢ଼ାଉ କରି ପୋଲିସ୍ ପାଖାପାଖି ୪ କେଜି ଗଞ୍ଜେଇ ଜବତ କରି ଥିବା ବେଳେ ୨ ଜଣଙ୍କୁ ଗିରଫ କରିଛି।
ବିଶ୍ୱସ୍ତ ସୂତ୍ରରୁ ସୂଚନା ପାଇ ରାଉରକେଲା ବ୍ରାହ୍ମଣୀ ତରଙ୍ଗ ଥାନା ପୋଲିସ ଟିମ୍ ସୋମବାର ଦିନ ଲୁଙ୍ଗେଇ ମୋ ବସ୍ ଡିପୋ ନିକଟରେ ଚଢ଼ାଉ କରିଥିଲେ। ସେଠାରେ ପାର୍କିଂ ହୋଇଥିବା ଏକ ହ୍ୟୁଣ୍ଡାଇ ଭେନ୍ୟୁ କାର (OD-14AJ-7711) ତଲାସି ବେଳେ ଏକ କଳା ଏୟାର ବ୍ୟାଗ୍ରୁ ୩ କେଜି ୮୫୦ ଗ୍ରାମ ଗଞ୍ଜେଇ ଜବତ କରିଥିଲେ।
ଗିରଫ ଅଭିଯୁକ୍ତମାନେ ହେଲେ ଶେରୁ ଓରଫ ଚନ୍ଦ୍ର ପ୍ରକାଶ ଜୈସୱାଲ ଏବଂ କାକା ଓରଫ ସୁରଞ୍ଜନ ଦେହୁରୀ । ଅଭିଯୁକ୍ତଙ୍କ ଠାରୁ ଗଞ୍ଜେଇ ସହ କାର ଓ ୨ଟି ମୋବାଇଲ ଫୋନ ମଧ୍ୟ ଜବତ କରା ଯାଇଛି।
ଏସ୍ଆଇ ପ୍ରିୟବ୍ରତ ବେହେରାଙ୍କ ଏତଲା ଆଧାରରେ ଏନ୍ଡିପିଏସ୍ ଆଇନରେ ମାମଲା ରୁଜୁ ହୋଇଥିବାବେଳେ, ଗଞ୍ଜେଇ କେଉଁଠାରୁ ଆସିଥିଲା ଏବଂ କେଉଁଠିକୁ ଚାଲାଣ ହେବାକୁ ଥିଲା ସେନେଇ ପୋଲିସ ତଦନ୍ତ ଜାରି ରଖିଛି।