ରାଉରକେଲା : ଶ୍ରୀ ଶ୍ୟାମ ବାବାଙ୍କ ୪୧ ତମ ଫାଗୁନ ମହୋତ୍ସବ ଆରମ୍ଭ।। ଆସନ୍ତାକାଲି ନିଶାନ ଯାତ୍ରା।

ରାଉରକେଲା : ୨/୨(ସତ୍ୟାନ୍ୟୁଜ) ରାଉରକେଲା ବିର୍ସ। ଡାହାର ରୋଡ ସ୍ଥିତ ଶ୍ୟାମ ମନ୍ଦିରରେ ୪୧ତମ ଶ୍ରୀ ଶ୍ୟାମ ଫାଗୁନ୍ ମହୋତ୍ସବ ଆରମ୍ଭ ହୋଇଛି। ଏହି ତିନି ଦିନିଆ କାର୍ଯ୍ୟକ୍ରମର ପ୍ରଥମ ଦିନରେ ବାବାଙ୍କ ମଙ୍ଗଳ ପାଠ କାର୍ଯ୍ୟକ୍ରମ ହୋଇଥିଲା। ଝାଡଖଣ୍ଡ ଚକ୍ରଧରପୁରର ଧର୍ମେନ୍ଦ୍ର ଜୀ କେଜ୍ରିୱାଲଙ୍କ ଦ୍ୱାରା ଆବାହନ ସଙ୍ଗୀତ ଗାନ କରାଯାଇଥିଲା। ଏହି ସମୟରେ ବାବାଙ୍କ ଭଜନ ମଧ୍ୟ ଗାନ କରାଯାଇଥିଲା। ମନ୍ଦିରଗୁଡିକ ରଙ୍ଗୀନ ଆଲୋକ ମାଳାରେ ସଜା ଯାଇଥିଲା। ୧୫୧ ଜଣ ମହିଳା ଏହି ଶୁଭ ପାଠ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଲାଲ୍ ଶାଢ଼ୀ ଏବଂ ଲାଲ୍ ଚୁନ୍ରି ପିନ୍ଧି ମହିଳା ମାନେ ବାବାଙ୍କ ଶୁଭ ପାଠ କରୁଥିବା ଦେଖିବାକୁ ମିଳିଥିଲା ​​ଫାଲଗୁନ ମହୋତ୍ସବ କାର୍ଯ୍ୟକ୍ରମରେ ରାଉରକେଲା ରାଜଗାଙ୍ଗପୁର , ବିରମିତ୍ରପୁର ରୁ ମହିଳା ମାନେ ଆସି ମଙ୍ଗଳ ପାଠରେ ଅଂଶଗ୍ରହଣ କରିଥିଲେ। ଏହି ଅବସରରେ ଶ୍ୟାମ ବାବାଙ୍କ ପ୍ରସାଦ ବଣ୍ଟନ ସହ ଆରତୀ କରାଯାଇଥିଲା। ଆସନ୍ତା ମାର୍ଚ୍ଚ ୩ ତାରିଖ ଦିନ ଶ୍ୟାମ ବାବାଙ୍କ ନିଶାନ ଯାତ୍ରା ଶୋଭଯାତ୍ରା ସହର ପରିକ୍ରମା କରିବ।