ରାଉରକେଲା : ହକି ବିଶ୍ୱକପ ୨୦୨୩ ଉଦଘାଟନୀ ମ୍ୟାଚ ରାଉରକେଲାରେ ଖେଳାଯିବ।। ଜାନୁଆରୀ ୧୩ ତାରିଖରେ ଖେଳା ଯିବ।
ଜାନୁଆରୀ ୧୩ ତାରିଖରେ ରାଉରକେଲାରେ ହକି ବିଶ୍ୱକପ ୨୦୨୩ ର ଉଦଘାଟନୀ ମ୍ୟାଚ୍ ଖେଳାଯିବ |
ଏ ବାବଦରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଆଜି ସୂଚନା ଦେଇଛନ୍ତି, “ହକି ବିଶ୍ୱକପ୍ର ଉଦଘାଟନୀ ମ୍ୟାଚ୍ ଜାନୁଆରୀ 13 ରେ ରାଉରକେଲା ଠାରେ ଖେଳାଯିବ”
ମହାପାତ୍ର କହିଛନ୍ତି ଯେ ହକି ଷ୍ଟାଡିୟମରେ କାମ ପ୍ରାୟ ଶେଷ ହୋଇଛି। କ୍ରୀଡା ଭିତ୍ତିଭୂମି ହେଉ କିମ୍ବା ଟ୍ରାଫିକ୍ ପରିଚାଳନା ହେଉ, ବିଭିନ୍ନ ବିଭାଗ ବିଭିନ୍ନ କାର୍ଯ୍ୟ କରୁଛନ୍ତି ଏବଂ ବିଶ୍ୱକପ୍ ଆରମ୍ଭ ପୂର୍ବରୁ ସମସ୍ତ କାମ ସମ୍ପୂର୍ଣ୍ଣ ହେବ । ସମସ୍ତ ଦିଗକୁ ନିରନ୍ତର ସମୀକ୍ଷା କରାଯାଉଛି।
ଜାନୁଆରୀ ୧୩ ରେ ହକି ବିଶ୍ୱକପ୍ର ଉଦ୍ଘାଟନୀ ମ୍ୟାଚ୍ ପାଇଁ ରାଉରକେଲାରେ ଆୟୋଜିତ ହେବାକୁ ଥିବା କାର୍ଯ୍ୟକ୍ରମ ବ୍ୟତୀତ ଜାନୁଆରୀ ୧୧ ତାରିଖରେ ରେ କଟକ ସ୍ଥିତ ବାରବାଟୀ ଷ୍ଟାଡିୟମରେ ଏକ ବଡ଼ ଉତ୍ସବ ର ଆୟୋଜନ କରାଯିବ। ଏହି ଉତ୍ସବରେ ପ୍ରାୟ ୪୦,୦୦୦ ଲୋକ ଯୋଗଦେବେ ବୋଲି ମୁଖ୍ୟ ଶାସନ ସଚିବ କହିଛନ୍ତି।
ଏଥିସହ ପ୍ରତ୍ୟେକ ପଞ୍ଚାୟତ, ପ୍ରତ୍ୟେକ ଗ୍ରାମ ଏବଂ ପ୍ରତ୍ୟେକ ବିଦ୍ୟାଳୟରେ ରାଜ୍ୟର ଜନସାଧାରଣଙ୍କ ମଧ୍ୟରେ କ୍ରୀଡ଼ା ଉତ୍ସାହ ସୃଷ୍ଟି କରିବାକୁ ବିଭିନ୍ନ କାର୍ଯ୍ୟକ୍ରମର ଯୋଜନା କରାଯାଇଛି ବୋଲି ସେ କହିଛନ୍ତି।
ମୁଖ୍ୟ ଶାସନ ସଚିବ ଶ୍ରୀ ମହାପାତ୍ର କହିଛନ୍ତି ଯେ, “ହକି ବିଶ୍ୱକପ ଟ୍ରଫି ଯାହା ବର୍ତ୍ତମାନ ବିଭିନ୍ନ ରାଜ୍ୟ ଭ୍ରମଣ କରୁଛି, ଏକ ସମାରୋହରେ ଓଡ଼ିଶାର ବିଭିନ୍ନ ଜିଲ୍ଲାକୁ ନିଆଯିବ।