ଅଳିଆ ଆବର୍ଜନା ସଫେଇ ମିଶନରେ ସାମିଲ ହେଲେ ରାଉରକେଲା ଯୁବଛାତ୍ର ବାହିନୀ।। ହନୁମାନ ବାଟିକା ରେ ଆବର୍ଜନା ସଫା କଲେ।

‘ଇଣ୍ଡିଆନ ସ୍ବଚ୍ଛତା ଲିଗ୍’ର ପ୍ରତିଯୋଗୀ ‘ରାଉରକେଲା ବୁଲ୍’ ଆରମ୍ଭ କରିଛି ତାର ସ୍ବଚ୍ଛତା ଅଭିଯାନ। ଅଳିଆ ବିରୋଧୀ ଲଢ଼େଇରେ ସିପାହୀ ସାଜିଲେ ଇସ୍ପାତନଗରୀ ଛାତ୍ରଛାତ୍ରୀ ଓ ଯୁବବାହିନୀ । ସକାଳୁ ସକାଳୁ ରାଉରକେଲା ମହାନଗର ନିଗମ କାର୍ଯ୍ୟାଳୟଠାରୁ ଆରମ୍ଭ ହୋଇଥିଲା ଏକ ସଚେତନତା ଶୋଭାଯାତ୍ରା । ସହରକୁ ପ୍ଲାଷ୍ଟିକ ଓ ଆବର୍ଜନା ମୁକ୍ତ କରିବା ପାଇଁ ଜନସାଧାରଣଙ୍କୁ ସଚେତନ କରିଥିଲେ ‘ରାଉରକେଲା ବୁଲ୍’ ର ପୁରା ଟିମ । ଶୋଭାଯାତ୍ରା ପରେ ହନୁମାନ ବାଟିକାରେ ପହଞ୍ଚିଥିଲେ ଏହି ଟିମ। ବାଟିକା ପରିସରରେ ପଡ଼ିଥିବା ଶୁଖିଲା ପତ୍ର, ପ୍ଳାଷ୍ଟିକ୍ ଆବର୍ଜନା ସବୁ ସଫା କରିଥିଲେ । ଏହି ସଫେଇ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କ ସମେତ ସ୍ବଚ୍ଛସାଥି, ମହାନଗର ନିଗମର କର୍ମଚାରୀମାନେ ଉପସ୍ଥିତ ରହି ‘ରାଉରକେଲା ବୁଲ୍ ‘ ଟିମକୁ ସହଯୋଗ କରିବା ସହ ଉତ୍ସାହିତ କରିଥିଲେ।