ବାସନ୍ତୀ କଲୋନୀ ଡି ଏ ଭି ପୋଖରୀ ରାସ୍ତା ନିକଟରୁ ୧୦ ଟି ଖଟାଲ ଉଛେଦ।। ଉଛେଦ କଲେ ରାଉରକେଲା ମହାନଗର ନିଗମ।
ରାଉରକେଲା ମହାନଗର ନିଗମ ପକ୍ଷରୁ ବାସନ୍ତୀ କଲୋନି ଡିଏଭି ପୋଖରୀ ରାସ୍ତା ପାର୍ଶ୍ବରୁ ୧୦ଟି ଖଟାଲକୁ ଶୁକ୍ରବାର ଦିନ ଉଛେଦ କରାଯାଇଛି। ଆର ଏମ୍ ସି ସହକାରୀ କମିସନର ନରେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଲ୍ୟାଣ୍ଡଗାର୍ଡ ଅଧିକାରୀ ଓ କର୍ମଚାରୀମାନେ ଜେସିବି ସହାୟତାରେ ୧୦ଟି ଖଟାଲକୁ ଉଚ୍ଛେଦ କରିଥିଲେ। ଏହା ସହ ସେଠାରେ ରହୁଥିବା ୫ଟି ଘରକୁ ମଧ୍ୟ ଭାଙ୍ଗି ଦିଆ ଯାଇଥିଲା। ଆଇନ ଶୃଙ୍ଖଳା ଦୃଷ୍ଟିରୁ ଘଟଣାସ୍ଥଳରେ ବ୍ୟାପକ ପୁଲିସ ମୁତୟନ କରାଯାଇଥିଲା। ଉଲ୍ଲେଖଯୋଗ୍ୟଯେ , ବାସନ୍ତୀକଲୋନିରୁ ଡିଏଭି ପୋଖରୀ ପ୍ରମୁଖ ରାସ୍ତା ପାର୍ଶ୍ବରେ ଆର୍ଏମ୍ସି ପକ୍ଷରୁ ମାର୍କେଟ କମ୍ପ୍ଲେକ୍ସ ନିର୍ମାଣ ହୋଇଛି। ଖଟାଲ ଥିବାରୁ ଦୈନନ୍ଦିନ ଯାତାୟରେ ବାଧା ଉପୁଜିଥିଲା। ଟ୍ରାଫିକ ସମସ୍ୟା ମଧ୍ୟ ସୃଷ୍ଟି ହେଉଥିଲା। ସ୍ଥାନୀୟ ଲୋକ ଓ ବ୍ୟବସାୟୀ ଏ ସଂକ୍ରାନ୍ତରେ ଆର୍ଏମ୍ସି କମିସନରଙ୍କର ଦୃଷ୍ଟି ଆକର୍ଷଣ କରିଥିଲେ। ଆର୍ଏମ୍ସି ପକ୍ଷରୁ ଖଟାଲକୁ ଅନ୍ୟତ୍ର ଉଠାଇନେବାକୁ ମାଲିକମାନଙ୍କୁ କୁହାଯାଇଥିଲା।