ରାଉରକେଲା ଅର୍ବାନ ବ୍ୟାଙ୍କ ନିର୍ବାଚନ।। ଦିଲ୍ଲୀପ ମହାପାତ୍ରଙ୍କ ପ୍ୟାନେଲର ବିପୁଳ ବିଜୟ।

ରାଉରକେଲା ଅର୍ବାନ କୋଅପରେଟିଭ ବ୍ୟାଙ୍କ ନିର୍ଦ୍ଦେଶକ ପଦ ଲାଗି ଆଜି ହୋଇଥିବା ନିର୍ବାଚନରେ ଦିଲ୍ଲୀପ ମହାପାତ୍ର ପ୍ୟାନେଲ କୁ ବିପୁଳ ସଫଳତା ମିଳିଛି। ଅନୁଷ୍ଠିତ ନିର୍ବାଚନରେ ୧୨ ଟି ପଦରୁ ଦିଲ୍ଲୀପ ଙ୍କ ପ୍ୟାନେଲ ର ୧୦ ଜଣ ପ୍ରାର୍ଥୀ ବିଜୟୀ ହୋଇଛନ୍ତି। ପୂର୍ବରୁ ଏହି ପ୍ୟାନେଲ ର ୩ ଜଣ ପ୍ରାର୍ଥୀ ନିର୍ଦ୍ୱନ୍ଦରେ ନିର୍ବାଚିତ ହୋଇଥିଲେ। ଅପରପକ୍ଷ ପ୍ୟାନେଲ ର କେବଳ ଦୁଇଜଣ ପ୍ରାର୍ଥୀ ଚୌଧୁରୀ ବିଜୟ ପଟ୍ଟନାୟକ ଏବଂ ସୁକାନ୍ତ ରାଉତ ବିଜୟ ଲାଭ କରିଛନ୍ତି। ଅର୍ବାନ ବ୍ୟାଙ୍କ ନିର୍ବାଚନ ଲାଗି ଭୋଟ ଗ୍ରହଣ ରବିବାର ସକାଳ ୭ ଟା ରୁ ଆରମ୍ଭ ହୋଇ ଅପରାହ୍ନ ୪ ଟା ରେ ସରିଥିଲା। ପାଖାପାଖି ୫୦ ପ୍ରତିଶତ ମତଦାନ ହୋଇଥିବା ସୂଚନା ମିଳିଛି ।