ବଣାଇ : ନିଦ ହଜାଇ ଦେଇଛନ୍ତି ୧୨ ଟିକିଆ ହାତୀ ଦଳ।। ଘର ଭାଙ୍ଗି ଧାନ ଖାଇ ଯାଉଛନ୍ତି। ଲୋକେ ଆତଙ୍କିତ।

ବଣାଇ: ୩୦/୧(ସତ୍ୟାନ୍ୟୁଜ) ସୁନ୍ଦରଗଡ଼ ଜିଲ୍ଲାରେ ଜାରି ରହିଛି ହାତୀ ଉପଦ୍ରବ। ଏବେ ଏକ ୧୨ ଟିକିଆ ହାତୀ ଦଳ ଉପଦ୍ରବରେ ଅତିଷ୍ଠ ହୋଇ ପଡିଛନ୍ତି ବଣାଇ ବନଖଣ୍ଡ ତାମରା ରେଞ୍ଜ ର ଗ୍ରାମବାସୀ ମାନେ। ବଡ଼ଗାଁ,ଡୁମେର ମୁଣ୍ଡା, ନୁନିଆ ପାଲି, କଣ୍ଟାପାଲି ଆଦି ୬ଟି ଗାଁରେ ନିଦ ହଜାଇ ଦେଇଛନ୍ତି ଏହି ହାତୀ ଦଳ । ଦିନରେ ଘଞ୍ଚ ଜଙ୍ଗଲ ରେ ରହୁଥିବା ବେଳେ ରାତି ହେଲେ ଗାଁ ମୁହାଁ ହେଉଛନ୍ତି। ଏବେ ଧାନ ଅମଳ ସରିଛି। ଅମଳ ଧାନ ଘରେ ରଖା ଯାଇ ଥିବାରୁ ହାତୀ ଦଳ ଘର ଭାଙ୍ଗି ରଖା ଯାଇଥିବା ଧାନ ବସ୍ତା କୁ ଶୁଣ୍ଢରେ ଟେକି ନେଇ ଖାଇ ଦେଉଛନ୍ତି କିମ୍ବା ନଷ୍ଟ କରି ଦେଉ ଛନ୍ତି । ପୂର୍ବରୁ ଗୋଟିଏ ଦନ୍ତା ହାତୀ ଏହି ଅଞ୍ଚଳରେ ଉପଦ୍ରବ କରୁଥିଲା।ଏବେ ଝାଡ଼ଖଣ୍ଡ ଅଞ୍ଚଳରୁ ୧୨ ଟିକିଆ ହାତୀ ଦଳ ଆସି ଘର ଭାଙ୍ଗିବା ସହ ଧାନ ଫସଲ ନଷ୍ଟ କରୁଛନ୍ତି। ବନ ବିଭାଗ ପକ୍ଷରୁ ଦୁଇ ସେକ୍ସନ ଷ୍ଟାଫ୍ ହାତୀ ଙ୍କୁ ଟ୍ରାକ କରି ଘଉଡ଼ାଇବା ଉଦ୍ୟମ ଜାରି ରଖିଛନ୍ତି।