ପ୍ରଦୂଷଣ ମୁକ୍ତ ପରିବେଶ , ସୁନ୍ଦର ସ୍ୱାସ୍ଥ୍ୟ ଲାଗି ସାଇକେଲ ଚାଳନା ଉପରେ ଗୁରୁତ୍ୱ।। ରାଉରକେଲା ରେ ବିଶ୍ୱ ସାଇକେଲ ଦିବସ ପାଳିତ।

ସୁସ୍ଥ ଶରୀର ଗଠନ ପାଇଁ ଏବଂ ପରିବେଶ ସୁରକ୍ଷା ତଥା ପ୍ରଦୂଷଣ ମୁକ୍ତ ସମାଜ ଲାଗି ସାଇକେଲ ଚାଳନା କୁ ଆଜି ଦିନରେ ଗୁରୁତ୍ୱ ଦିଆଯାଇଛି।

ବିଶ୍ୱ ସାଇକେଲ ଦିବସ ଉପଲକ୍ଷେ ରାଉରକେଲାରେ ଏକ ସାଇକେଲ ଶୋଭାଯାତ୍ରା ର ଆୟୋଜନ କରାଯାଇଥିଲା। ଉଦ୍ଧେଶ୍ୟ ହେଲା ସାଇକେଲ ଚାଳନା କୁ ଉତ୍ସାହିତ କରିବା। ରାଉରକେଲା ସ୍ମାର୍ଟସିଟି ଲିମିଟେଡ଼ ପକ୍ଷରୁ ଆୟୋଜିତ ଏହି କ୍ରଯ୍ୟକ୍ରମ କୁ ରାଉରକେଲା ରାଇଡ଼ , ରୋଟାରୀ କ୍ଲବ ଆଦି ସପୋର୍ଟ ଦେଇଥିଲେ। ଏହି ସାଇକେଲ ଶୋଭାଯାତ୍ରାକୁ ରାଉରକେଲା ବିଧାୟକ ସାରଦା ପ୍ରସାଦ ନାୟକ ପତାକା ହଲାଇ ଶୁଭାରମ୍ଭ କରିଥିବା ବେଳେ ସୁନ୍ଦରଗଡ଼ ଜିଲ୍ଲାପାଳ ନିଖିଲ ପବନ କଲ୍ୟାଣ , ରାଉରକେଲା ଅତିରିକ୍ତ ଜିଲ୍ଲାପାଳ ତଥା ମହନଗର ନିଗମ କମିଶନର ଡକ୍ତର ଶୁଭଙ୍କର ମହାପାତ୍ର ପ୍ରମୁଖ ଉପସ୍ଥିତ ଥିଲେ। ଏହି ଶୋଭାଯାତ୍ରା ରାଉରକେଲା ମହାନଗର ନିଗମ କାର୍ଯ୍ୟାଳୟ ନିକଟରୁ ବାହାରି ଅଭିଜ୍ଞାନ ଛକ ନିକଟରେ ଶେଷ ହୋଇଥିଲା ।