ରାଜସ୍ଥାନ ପରିଷଦର ସୁବର୍ଣ୍ଣ ଜୟନ୍ତୀ ଅବସରରେ ରାଉରକେଲାରେ ରାଜସ୍ଥାନ ଦିବସ ପାଳନ।। ବହୁ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ।

ରାଜସ୍ଥାନ ପରିଷଦର ସ୍ବର୍ଣ୍ଣ ଜୟନ୍ତୀ ଅବସରରେ ରାଉରକେଲା ଅମର ଭବନ ପରିସରରେ ରାଜସ୍ଥାନ ଦିବସକୁ ନେଇ ରଙ୍ଗାରଙ୍ଗ ସାସ୍କୃତିକ କାର୍ଯ୍ୟକ୍ରମର ଭବ୍ଯ ଆୟୋଜନ କରାଯାଇଥିଲା।

ଏହି ଅବସରରେ କୋଲକାତାରୁ ଆସିଥିବା କଳାକାରମାନଙ୍କ ଦ୍ବାରା ରାଜସ୍ଥାନ ଲୋକନୃତ୍ୟ ଓ ଗୀତ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମ ବେଶ ଆକର୍ଷଣୀୟ ହୋଇଥିଲା। ଆର୍କଷଣର କେନ୍ଦ୍ରବିନ୍ଦୁ ଥିଲା ରାଜସ୍ଥାନୀ ଘୁମର ନୃତ୍ଯ ଓ ଫାଗୁନ୍ ନୃତ୍ଯ। ଏହିଅବସରରେ ରାଜସ୍ଥାନ ପରିଷଦର ସରକ୍ଷଙ୍କ କାଶୀ ପ୍ରସାଦ ଝୁନଝୁନଓ୍ବାଲା ଦୀପ ପ୍ରଜ୍ବଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ସହ-ସରକ୍ଷଙ୍କ ଗୋପାଳ ବାଗାରିଆ, ଅଧ୍ୟକ୍ଷ ଶୈଳେନ୍ଦ୍ର ମରୋଠିଆ ସାଧାରଣ ସମ୍ପାଦକ ପବନ ଗେଡିଆ, ଉପାଧ୍ୟକ୍ଷ ଯୁଗଳ ମାରୋଠିଆ, ରମେଶ ରାଜୁକା ସମେତ ବରିଷ୍ଠ ପଦାଧିକାରୀ, ପୂର୍ବ ଅଧ୍ୟକ୍ଷ ଓ କାର୍ଯ୍ଯକାରୀ ସଭ୍ଯ ମାନେ ଉପସ୍ଥିତ ଥିଲେ। ପରିଷଦ ତରଫରୁ ପୂର୍ବ କୋଷାଧ୍ୟକ୍ଷ, ଦାନଦାତା, ବରିଷ୍ଠ ସଭ୍ଯଙ୍କୁ ମୋମେଣ୍ଟୋ ଦେଇ ସମ୍ମାନିତ କରାଯାଇଥିଲା। ମଞ୍ଚ ପରିଚାଳନା ବରୁଣ ସୋମାନୀ କରିଥିଲେ।