ସୁନ୍ଦରଗଡ ଜିଲ୍ଲାର ୩ଟି ପୌରପାଳିକା ନିର୍ବାଚନର ଭୋଟ ଗଣତି ଆରମ୍ଭ।। ରାଜ୍ୟରେ ୧୦୮ଟି ପୌରପାଳିକା ଏବଂ ୩ଟି ମହନଗର ନିଗମର ଭୋଟ ଗଣତି ଆରମ୍ଭ।

ସୁନ୍ଦରଗଡ ଜିଲ୍ଲାର 3 ଟି ପୌରପାଳିକା ନିର୍ବାଚନର ଭୋଟ ଗଣତି ଆଜି କଡା ସୁରକ୍ଷା ବ୍ୟବସ୍ଥା ମଧ୍ୟରେ ଆରମ୍ଭ ହୋଇଛି। ସୁନ୍ଦରଗଡରେ ମୁନିସିପାଲ କଲ୍ୟାଣ ମଣ୍ଡପରେ ଭୋଟ ଗଣତି ହେଉଥିବା ବେଳେ ରାଜଗାଙ୍ଗପୁର ରେ
ସରବତୀ ଦେବୀ ମହିଳା ବିଦ୍ୟାଳୟରେ ଭୋଟ ଗଣତି ହେଉଛି।

ସେହିପରି ବିରାମିତ୍ରପୁରରେ ମୁନିସିପାଲିଟି କାର୍ଯ୍ୟାଳୟରେ ଭୋଟ ଗଣତି ହେଉଛି। ଆଜି ସକାଳ ୮ଟାରେ ଭୋଟ ଗଣତି ଆରମ୍ଭ ହୋଇଥିବାବେଳେ କଡା ସୁରକ୍ଷା ବ୍ୟବସ୍ଥା ମଧ୍ୟରେ ଷ୍ଟ୍ରଙ୍ଗ ରୁମ ରୁ
ଇ ଭି ଏମ୍ ଭୋଟ ଗଣତି କେନ୍ଦ୍ରକୁ ଅଣାଯାଇଥିଲା। ଭୋଟ ଗଣତି ଆରମ୍ଭ ହେବାପରେ କେନ୍ଦ୍ର ବାହାରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିଲା। ଏହା ଛଡା ରାଜ୍ୟରେ ୧୦୮ଟି ମୁନିସିପାଲିଟି ଏବଂ ୩ଟି ମହାନଗର ନିଗମ ଲାଗି ହୋଇଥିବା ନିର୍ବାଚନର ଭୋଟ ଗଣତି ହେଉଛି। ଭୁବନେଶ୍ୱର , କଟକ , ବ୍ରହ୍ମପୁର ମହନଗର ନିଗମ ଲାଗି ଭୋଟ ଗଣତି ହେଉଥିବା ବେଳେ ରାଉରକେଲା ଏବଂ ସମ୍ବଲପୁର ମହନଗର ନିଗମର ନିର୍ବାଚନ କେତେକ ଆଇନଗତ କାରଣରୁ ହୋଇପାରିନଥିଲା। ତେବେ କିଏ ବିଜୟ ମୁକୁଟ ପିନ୍ଧିବ ସେଥିନେଇ ସବୁ ମହଲରେ ଉତ୍କଣ୍ଠା ପ୍ରକାଶ ପାଇଛି।