ଟ୍ରେନ ଧକ୍କାରେ ବାପ ଝିଅଙ୍କ ମୃତ୍ୟୁ।। କଳୁଙ୍ଗା ରେଳ ଫାଟକ ନିକଟରେ ସ୍କୁଟି ରେ ପାର ହେଉଥିବା ବେଳେ ଟ୍ରେନ ମାଡିଗଲା।

ସାମାନ୍ୟ ଭୁଲ ଏବଂ ଅସାବଧାନତା ଯୋଗୁଁ ଅକାଳରେ ଚାଲିଗଲା ବାପ , ଝିଅ ଦୁଇଜଣଙ୍କ ଅମୂଲ୍ୟ ଜୀବନ। ଏହି ଘଟଣା ଘଟିଛି ରାଉରକେଲା ନିକଟ କଳୁଙ୍ଗା ରେଳ ଫାଟକ ନିକଟରେ। ଟ୍ରେନ ଆସୁଥିବା ଯୋଗୁଁ ରେଳ ଫାଟକ ବନ୍ଦ ଥିଲା।

ଆବଶ୍ୟକତା ହେଉ କିମ୍ବା ତରବର ଯୋଗୁଁ ହେଉ ବଲଣ୍ଡା ଅଞ୍ଚଳର ଶମ୍ଭୁନାଥ ତାଙ୍କ ଝିଅକୁ ବସାଇ ସ୍କୁଟି ରେ ଗଳା ବାଟ ଦେଇ ଟ୍ରେନ ଲାଇନ ପାର ହେଉଥିଲେ। ଠିକ ଏହି ସମୟରେ ଇସ୍ପାତ ଏକ୍ସପ୍ରେସ ଯାଉଥିଲା। ସାମାନ୍ୟ ଅସାବଧାନତା ଯୋଗୁଁ ବାପ ଏବଂ ଝିଅଙ୍କ ଉପରେ ଟ୍ରେନ ମାଡିଯାଇଥିଲା। ଫଳରେ ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା। ଶମ୍ବୁନାଥଙ୍କ ଝିଅ ଦ୍ଵାଦଶ ଶ୍ରେଣୀରେ ପାଠ ପଢୁଥିଲା। ଏହି ଘଟଣା ସମଗ୍ର କଳୁଙ୍ଗା ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। ରେଳବାଇ ର ବରିଷ୍ଠ ଅଧିକାରୀ ଏବଂ ପୋଲିସ ଦଳ ଘଟଣାସ୍ଥଳରେ ପହଞ୍ଚିଛନ୍ତି।