ରାଉରକେଲାରେ ଟ୍ରକ ଦୁର୍ଘଟଣାରେ ଆର ଏସ ପି କର୍ମଚାରୀଙ୍କ ମୃତ୍ୟୁ କୁ ନେଇ ଉତ୍ତେଜନ।। ଡ୍ରାଇଭର ଗିରଫ।

0 729

ରାଉରକେଲା ୧୯ ନମ୍ବର ସେକ୍ଟର ଥାନା ଅନ୍ତର୍ଗତ ୨୦ ନମ୍ବର ସେକ୍ଟର ଫୁଟବଲ ଛକ ନିକଟରେ ଗୁରୁବାର ବିଳମ୍ବିତ ରାତିରେ ଏକ ଟ୍ରକ ଦୁର୍ଘଟଣାରେ ଜଣେ ଇସ୍ପାତ କାରଖାନା କର୍ମଚାରୀଙ୍କ ମୃତ୍ୟୁ ହୋଇଯାଇଛି।

ମୃତକ ସନ୍ତୋଷ କୁମାର ମହାନ୍ତି ଇସ୍ପାତ କାରଖାନା ସହରାଞ୍ଚଳ ଜଳ ଯୋଗାଣ ବିଭାଗରେ କାର୍ଯ୍ୟରତ ଥିଲେ। ରାତି ପ୍ରାୟ ୧୦ ଟା ପାଖାପାଖି ଘରକୁ ଫେରୁଥିବା ବେଳେ ଏକ ଦ୍ରୁତଗାମୀ ଟ୍ରକ ତାଙ୍କ ଉପରେ ଚଢାଇ ଦେଇଥିଲା। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ଲୋକ ମାନଙ୍କୁ ବୁଝାସୁଝା କରି ସ୍ଥିତି କୁ ନିୟନ୍ତ୍ରଣ କରିଥିଲେ। ଦୁର୍ଘଟଣା ଘଟାଇବା ପରେ ଡ୍ରାଇଭର ଟ୍ରକ ନେଇ ଘଟଣା ସ୍ଥଳରୁ ଫେରାର ହୋଇଯିବାକୁ ଉଦ୍ୟମ କରିଥିଲା। ମାତ୍ର ସ୍ଥାନୀୟ ଯୁବକ ମାନେ ଗୋଡ଼ାଇ ଗୋଡ଼ାଇ ଟ୍ରକ ସହ ଡ୍ରାଇଭରକୁ ଧରି ପକାଇଥିଲେ । ସେକ୍ଟର ୧୯ ଥାନା ପୋଲିସ ଟ୍ରକ ଜବତ କରିବା ପରେ ଡ୍ରାଇଭର କୁ ଅଟକ ରଖି ତଦନ୍ତ କରୁଛନ୍ତି ।

Leave A Reply

Your email address will not be published.