ରାଉରକେଲା ଡେଲିମାର୍କେଟ ସ୍କୁଲ ସମ୍ମୁଖ ଗଳିରେ ଏକ ପୂଜା ସାମଗ୍ରୀ ଦୋକାନରେ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି।

ଶୁକ୍ରବାର ଭୋରୁ ଭୋରୁ ଏହି ଅଗ୍ନିକାଣ୍ଡ ଘଟିଥିବା ବେଳେ ଫାୟାର ବ୍ରିଗେଡ ଟିମ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରିଥିଲେ। ଡେଲିମାର୍କେଟ ଅଞ୍ଚଳରେ ବିଭିନ୍ନ ଦୋକାନ ଲାଗି ଲାଗି ଥିବାରୁ ନିଆଁ ବ୍ୟାପିବାର ସମ୍ଭାବନା ଥିଲା। ଫଳରେ ଅନ୍ୟ ବ୍ୟବସାୟୀ ମାନେ ଆତଙ୍କିତ ହୋଇ ପଡ଼ିଥିଲେ। ଫାୟର ଟିମ ପହଞ୍ଚି ନିଆଁ ଅୟତ୍ତ କରିବାରୁ ଏକ ବଡ ଧରଣର ଅଘଟଣ କୁ ଏଡାଇ ଦିଆଯାଇ ପାରିଥିଲା। ଅଗ୍ନିକାଣ୍ଡ ର କାରଣ ସଠିକ ଭାବେ ଜଣା ପଡିନଥିବା ବେଳେ ଆକ୍ରୋଶ ବଶତଃ କେହି ନିଆଁ ଲଗାଇ ଦେଇଥିବା ଦୋକାନ ମାଲିକ ଅଭିଯୋଗ କରିଛନ୍ତି।