ସୁନ୍ଦରଗଡ଼ ଜିଲ୍ଲା ବିରମିତ୍ରପୁର ରେ ଆରମ୍ଭ କରାଯାଇଥିବା ବିଭିନ୍ନ ପ୍ରକଳ୍ପ ରେ ନିମ୍ନମାନର ସାମଗ୍ରୀ ବ୍ୟବହୃତ ହେଉଥିବା ଅଭିଯୋଗ କରିଛନ୍ତି ବିରମିତ୍ରପୁର ବିଧାୟକ ଶଙ୍କର ଓରାମ

ସୁନ୍ଦରଗଡ଼ ଜିଲ୍ଲା ବିରମିତ୍ରପୁର ରେ ଆରମ୍ଭ କରାଯାଇଥିବା ବିଭିନ୍ନ ପ୍ରକଳ୍ପ ରେ ନିମ୍ନମାନର ସାମଗ୍ରୀ ବ୍ୟବହୃତ ହେଉଥିବା ଅଭିଯୋଗ କରିଛନ୍ତି ବିରମିତ୍ରପୁର ବିଧାୟକ ଶଙ୍କର ଓରାମ । ଲକ୍ଷ ଲକ୍ଷ ଟଙ୍କାର କାମ ବିନା ଟେଣ୍ଡର ରେ ବିଭାଗୀ ଯନ୍ତ୍ରୀ ଙ୍କ ନାମରେ କରାଯାଇ ସରକାରୀ ଅର୍ଥର ଅପବ୍ୟୟ କରାଯାଉଛି ବୋଲି କହିଛନ୍ତି ବିଧାୟକ । ବିରମିତ୍ରପୁର ସରକାରୀ କଲେଜ ରେ ଚାଲିଥିବା କାମର ନିରୀକ୍ଷଣ କରିବାକୁ ଆଜି ବିଧାୟକ ନିଜେ ପହଞ୍ଚିଥିଲେ ବିଦ୍ୟାଳୟ ପରିସରରେ । ସେଠାରେ ଚାଲିଥିବା କବାଟ , ଝରକା କାମରେ ନିମ୍ନ ମାନର ସାମଗ୍ରୀ ଲଗାଯାଉଛି ଏବଂ ଛାତ ଗ୍ରୀଡିଂ ଠିକ ଭାବେ କରାଯାଉନାହିଁ ବୋଲି ବିଧାୟକ କହିଛନ୍ତି । ଛାତ ଗ୍ରିଡିଂ ର କାମ ନିରୀକ୍ଷଣ କରିବାକୁ ବିଧାୟକ ନିଜେ ଶିଢି ଲଗାଇ ଛାତ ଉପରେ ଚଢିଥିଲେ । ଜିଲ୍ଲା ଖଣିଜ ଫଉଣ୍ଡସନ ର ଅର୍ଥ ବିନିଯୋଗ ରେ ଏହି କାମ ଗୁଡିକ ଚାଲିଥିବା ବେଳେ ଏହାର ସଠିକ ତଦାରଖ ଜିଲ୍ଲା ପ୍ରଶାସନ କରିବାକୁ ବିରମିତ୍ରପୁର ବିଧାୟକ ଶଙ୍କର ଓରାମ ଦାବି କରିଛନ୍ତି ।