ରାଜଗାଙ୍ଗପୁର ରେ ଗୋପାଳ କୃଷ୍ଣ ହତ୍ୟା ମାମଲାର ପର୍ଦାଫସ।। ଜଣେ ନାବାଳକ ସହ ୩ ଗିରଫ।। ଅର୍ଥ କାରବାରକୁ ନେଇ ହୋଇଥିଲା ହତ୍ୟାକାଣ୍ଡ।

ଗତମାସ ରାଉରକେଲା ର ଜଣେ ଯୁବକଙ୍କୁ ରାଜଗାଙ୍ଗପୁର ରେ ହତ୍ୟା କରାଯାଇଥିଲା। ଏହି ହତ୍ୟାକାଣ୍ଡ ର ପର୍ଦାଫସ କରିଛି ରାଜଗାଙ୍ଗପୁର ପୋଲିସ । ଗତ ଡିସେମ୍ବର ୨୬ ତାରିଖରେ ରାଜଗାଙ୍ଗପୁର ଥାନା ଅନ୍ତର୍ଗତ ରାମଲତା ଗ୍ରାମ ନିକଟ ପଥର ଖଦାନରେ ଜଣେ ୪୫ ବର୍ଷୀୟ ବ୍ୟକ୍ତିଙ୍କ କ୍ଷତ ବିକ୍ଷତ ଶବ ମିଳିଥିଲା। ସେତେବେଳେ ମୃତ ବ୍ୟକ୍ତିଙ୍କୁ ଚିହ୍ନଟ କରା ଯାଇ ପାରିନଥିଲା।

ପରେ ସେ ରାଉରକେଲା ର ଗୋପାଳ କୃଷ୍ଣ ମହାକୁଡ଼ ବୋଲି ଜଣା ପଡିଥିଲା। ମୃତକଙ୍କ ପରିଚୟ ଜଣାପଡିବା ପରେ ପୋଲିସ ତଦନ୍ତ ଆଗେଇଥିଲା। ଅର୍ଥ ନେଣ୍ ଦେଣ୍ କୁ ନେଇ ଯୋଜନା ବଦ୍ଧ ଭାବେ ଗୋପାଳକୃଷ୍ଣ ଙ୍କୁ ହତ୍ୟା କରାଯାଇଥିବା ପୋଲିସ ଜାଣିପାରିଥିଲା। ଏହି ହତ୍ୟା ମାମଲାରେ ପୋଲିସ ଜଣେ ନାବାଳକ ସହ ତିନିଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ହତ୍ୟାରେ ବ୍ୟବହୃତ ଲୁହା ରଡ଼ ଏବଂ ଏକ ଟାଟା ଇଣ୍ଡିଗୋ କାରକୁ ଜବତ କରିଛନ୍ତି।