ରାଉରକେଲା ଏନଆଇଟି କ୍ୟାମ୍ପସ ରେ ୨୧୫ କୋଭିଡ ସଂକ୍ରମିତ ଚିହ୍ନଟ।। କ୍ୟାମ୍ପସ କୁ ଦୁଇଦିନ ଲାଗି ବନ୍ଦ କଲେ କର୍ତ୍ତୃପକ୍ଷ।। ୨୪ ଘଣ୍ଟାରେ ସୁନ୍ଦରଗଡ଼ ଜିଲ୍ଲାରେ ୧୩୪୮ କୋଭିଡ ସଂକ୍ରମିତ ଚିହ୍ନଟ।

ରାଉରକେଲା ଏନ ଆଇ ଟି ରେ କୋଭିଡ ସଂକ୍ରମଣ ବିସ୍ପୋରକ ସ୍ଥିତି ରେ ରହିଛି। ଏବେ ସୁଦ୍ଧା ଏହି ବୈଷୟିକ ପ୍ରତିଷ୍ଠାନ କ୍ୟାମ୍ପସରେ ୨୧୫ ଜଣ ଅନ୍ତେବାସୀ କୋଭିଡ ପଜେଟିଭ ଚିହ୍ନଟ ହୋଇ ସାରିଲେଣି। ତନ୍ମଧ୍ୟରୁ ୧୨୫ ଜଣ ଛାତ୍ରଛାତ୍ରୀ ଏବଂ ୯୦ ଜଣ କର୍ମଚାରୀ ଏବଂ ସେମାନଙ୍କ ପରିବାର ଲୋକ।

ଏତେ ସଂଖ୍ୟକ କୋଭିଡ ସଂକ୍ରମିତ ଚିହ୍ନଟ ହେବାରୁ କର୍ତ୍ତୃପକ୍ଷ ଅନୁଷ୍ଠାନ କୁ ଦୁଇ ଦିନ ଲାଗି ବନ୍ଦ କରିଦେଇଛନ୍ତି। ସୋମବାର ଦିନ କ୍ୟାମ୍ପସ ଖୋଲିବା ନେଇ ନିଷ୍ପତ୍ତି ନିଆଯାଇଛି। ଅନ୍ୟ ପକ୍ଷରେ କ୍ୟାମ୍ପସ ପ୍ରବେଶ ପଥରେ ଯାଞ୍ଚ ବ୍ୟବସ୍ଥା କଡାକଡି କରାଯାଇଛି। ବୁଧବାର ଦିନ ରାଉରକେଲା
ଏ ଡି ଏମ ଡକ୍ତର ଶୁଭଙ୍କର ମହାପାତ୍ର ଏନ ଆଇ ଟି ପରିଦର୍ଶନ କରି କୋଭିଡ ସ୍ଥିତର ସମୀକ୍ଷା କରିଥିଲେ । ସୁନ୍ଦରଗଡ଼ ଜିଲ୍ଲାରେ ଆଜି କୋଭିଡ ସଂକ୍ରମଣ ସଂଖ୍ୟା ୧୩୪୮ କୁ ଵୃଦ୍ଧି ପାଇଛି। ରାଉରକେଲା ରେଳ ଷ୍ଟେସନରେ ଯାଞ୍ଚ ବ୍ୟବସ୍ଥାକୁ କଡାକଡି କରାଯିବା ସହ RTPCR ଟେଷ୍ଟ ର ମଧ୍ୟ ବ୍ୟବସ୍ଥା କରାଯାଉଛି। ରାଜ୍ୟରେ ଏବେ କୋଭିଡ ସଂକ୍ରମଣ ସଂଖ୍ୟା ୧୦ ହଜାର ପାର କରିଥିବା ବେଳେ ସୁନ୍ଦରଗଡ଼ ଜିଲ୍ଲା ସମେତ ଚାରୋଟି ଜିଲା ରେଡ଼ ଜୋନ ରେ ରହିଛି।