ସୁନ୍ଦରଗଡରେ ନକଲି ପୋଲିସ ଅଫିସରଙ୍କ ଠକାମିର ଶିକାର ହେଲେ ଅସଲି ମହିଳା ପୋଲିସ ଅଧିକାରୀ।। ଜମି ଦେବାକୁ କହି ସାଢ଼େ ଚାରିଲକ୍ଷ ଠକିନେଲେ।

ଅସଲି ପୋଲିସ ଅଫିସର ନକଲି ପୋଲିସ ଅଫିସର ଙ୍କ ଠକାମି ର ଶିକାର ହେଲେ। ଲକ୍ଷେ , ଦୁଇଲକ୍ଷ ନୁହେଁ ପୁରା ସାଢ଼େ ଚାରି ଲକ୍ଷ। ଏପରି ଏକ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲାରେ। ନିଜକୁ ଦୀପକ ପଣ୍ଡା ଏବଂ ସେ ମୟୁରଭଞ୍ଜ ଜିଲ୍ଲା ବଇଶିଙ୍ଗା ଥାନାର ସବ ଇନିସ୍ପେକ୍ଟର ଭାବେ ପରିଚୟ ଦେଇ ସୁନ୍ଦରଗଡ ଜିଲ୍ଲାର ଜଣେ ମହିଳା ଥାନା ଅଧିକାରୀଙ୍କ ଠାରୁ ୪ ଲକ୍ଷ ୫୦ ହଜାର ଠକି ନେଇଥିଲେ। ଭୁବନେଶ୍ୱର ରେ ଏକ ଜମି ଯୋଗାଇ ଦେବାକୁ କହି ଏହି ଟଙ୍କା ନେଇଯାଇଥିଲେ। ଜମି ନଦେଇ ପରେ ପୁଣି ଆହୁରି ଟଙ୍କା ମାଗିଥିଲେ

। ଉକ୍ତ ଯୁବକଙ୍କ ବ୍ୟବହାରରେ ସନ୍ଦେହ କରି ମହିଳା ଥାନା ଅଧିକାରୀ ତାଙ୍କୁ ଟଙ୍କା ଦେବାକୁ ଡାକି ଥିଲେ ଏବଂ ଦେଇଥିବା ଟଙ୍କା ଫେରସ୍ତ ମାଗିଥିଲେ। ମାତ୍ର ଦୀପକ ପଣ୍ଡା ଟଙ୍କା ନଦେଇ ଉକ୍ତ ମହିଳା ଅଧିକାରୀଙ୍କ ତଣ୍ଟି ଚିପି ମାରିଦେବାକୁ ଉଦ୍ୟମ କରିଥିଲେ। ସୂଚନା ପାଇ ଟାଉନ ଥାନା ପୋଲିସ ପହଞ୍ଚି ଦୀପକଙ୍କୁ ଅଟକ ରଖି ତଦନ୍ତ ଆରମ୍ଭ କରିଥିଲେ। ତଦନ୍ତରୁ ଏହି ଯୁବକଙ୍କ ଅସଲି ନାମ ଚତୁର୍ଭୁଜ ତାରାଇ ବୋଲି ଜଣାପଡିଛି। ଏହି ଯୁବକ ନିଜକୁ କେତେବେଳେ ପୋଲିସ ଅଧିକାରୀ ତ ଆଉ କେତେବେଳେ ଫରେଷ୍ଟ ଅଫିସର କହି ବହୁ ମହିଳାଙ୍କୁ ଠକିଥିବା ତଦନ୍ତରୁ ଜଣାପଡିଛି। ଏ ବାବଦରେ ଅଧିକ ତଦନ୍ତ ଜାରି ରହିଛି ଏବଂ ଏହି ଯୁବକଙ୍କ ଠକାମିର ଶିକାର ଆଉ କେତେ ମହିଳା ହୋଇଛନ୍ତି ତାର ତଦନ୍ତ ଚାଲିଛି ବୋଲି ସୁନ୍ଦରଗଡ଼ ଏସ ପି ସାଗରିକା ନାଥ କହିଛନ୍ତି।
ସୂଚନାଯୋଗ୍ୟଯେ ଏହି ଠକ ଯୁବକ ନିଜକୁ ପୋଲିସ ଅଧିକାରୀ ଦର୍ଶାଇ ଏକ ଫେଂକ ଆଇ ଡି ଖୋଲିଥିଲେ।ଏବଂ ଏହି ଆଇ ଡି ମାଧ୍ୟମରେ ମୂଖ୍ୟତଃ ମହିଳା ସରକାରୀ ଅଧିକାରୀ ମାନଙ୍କୁ ଟାର୍ଗେଟ କରୁଥିଲେ।