ରାଉରକେଲାରେ ହୋପ ଅଫ ଲାଇଫ ର ସଦସ୍ୟ ମାନଙ୍କ
ବାସହୀନ ଲୋକଙ୍କୁ କମ୍ବଳ ବଣ୍ଟନ।
କରୋନା ପ୍ରଭାବ ରେ ସବୁଠାରୁ ବେଶୀ ପ୍ରଭାବିତ ହୋଇଛନ୍ତି ଗରିବ ଲୋକମାନେ। କାମଧନ୍ଦା ନମିଳିବାରୁ ଠିକ ଭାବେ ଖାଇବାକୁ ପାଉନଥିବା ବେଳେ ପ୍ରବଳ ଶୀତ ସେମାନଙ୍କ ସମସ୍ୟା କୁ ଦ୍ବିଗୁଣିତ କରିଛି। ଏହି ସମୟରେ ରାଉରକେଲା ସହରର ହୋପ ଅଫ ଲାଇଫର ସଦସ୍ୟ ମାନେ କମ୍ବଳ ବାଣ୍ଟିବା ଅଭିଯାନ ଆରମ୍ଭ କରିଛନ୍ତି । ଶୀତ ଋତୁ ରେ ଅଭାବୀ ଲୋକଙ୍କୁ ଗରମ ପୋଷାକ ଯୋଗାଇବା ଅପେକ୍ଷା ଭଲ ଉପହାର କିଛି ନାହିଁ | ଘର ନଥିବା ଲୋକ ମାନେ ଶୀତର ପ୍ରକୋପ ରେ ବ୍ୟତିବ୍ୟସ୍ତ ହୋଇ ପଡୁଥିବା ବେଳେ ଏହି ସଂଗଠନର ସଦସ୍ୟ ଆଗେଇ ଆସିଛନ୍ତି କମ୍ବଳ ଦାନ କରି ସାହାଯ୍ୟ କରିବାକୁ । କାହାର ଜୀବନ ବଞ୍ଚାଇବା ଅପେକ୍ଷା ଏକ ବଡ଼ ସନ୍ତୋଷ ଆଉ କଣ ହୋଇ ପାରେ | ହୋପ ଅଫ ଲାଇଫ ଫାଉଣ୍ଡେସନରେ ଥିବା ସ୍ବେଚ୍ଛାସେବୀ ମାନେ ର ରାଉରକେଲା ର ବିଭିନ୍ନ ସ୍ଥାନରେ କମ୍ବଳ ଏବଂ ପୁରୁଣା ପୋଷାକ ବୁଲିବୁଲି ବାଣ୍ଟୁଛନ୍ତି।
ଲୋକଙ୍କ ଆବଶ୍ୟକତା ପୂରଣ କରିବାରେ ଆନନ୍ଦ ଏବ ଆତ୍ମ ସନ୍ତୋଷ ଯାହା ଶବ୍ଦରେ ବ୍ୟାଖ୍ୟା କରାଯାଇପାରିବ ନାହିଁ ବୋଲି ସଂଘଠନ ମୁଖ୍ୟ ଏବଂ ପ୍ରତିଷ୍ଠିତା ଦିଲ୍ଲୀପ କୁମାର ବାରିକ କହିଛନ୍ତି |
ଶୀତ ୠତୁ ଆସିଲେ ପ୍ରତି ବର୍ଷ ଏହି ଅଭିଯାନ ଆରମ୍ଭ କରନ୍ତି ଏବଂ ପ୍ରତି ବର୍ଷ ଶହ ଶହ ଲୋକଙ୍କ ଜୀବନ ଶୀତ ଦାଉରୁ ରକ୍ଷା କରନ୍ତି | ଚଳିତ ବର୍ଷ ମଧ୍ୟ ୩୦୦ ରୁ ଅଧିକ କମ୍ବଳ ଗରିବ,ବେସାହାରା, ଏବଂ ରିକ୍ସା ଚଳକଙ୍କ ବଣ୍ଟନ କରାଗଲାଣି। ହୋପ ଅଫ ଲାଇଫ ଦ୍ୱାରା ଗରମ ପୋଷାକ ଏବଂ କମ୍ବଳ ବଣ୍ଟନ କାର୍ଯ୍ୟକଳାପ ଶୀତ ସରିବା ପର୍ଯ୍ୟନ୍ତ ଜାରି ରହିବ ବୋଲି ସଂଗଠନ ପକ୍ଷରୁ କୁହାଯାଇଛି।
ଏହି ଅଭିଯାନ କୁ ସଫଳ କରିବା ପାଇଁ ବରିଷ୍ଠ ସଦସ୍ୟ ବିଜୟ କୁମାର ସାହୁ, ମହେଶ ଶ୍ରୀ ରାମ,ରାଜେନ୍ଦ୍ର ପଣ୍ଡା, ଜୀବନ ଜ୍ୟୋତି ସ୍ୱାଇଁ,କୃଷ୍ଣଚନ୍ଦ୍ର ମଳିକ,ମାନସ ବିଶ୍ୱାଳ ଏବଂ ଅନ୍ୟ ସଦ୍ୟସ ସୁନୀଲ ପ୍ରସାଦ, ରାଜା ତିର୍କୀ, ପ୍ରଣୟ ବିଶ୍ୱାଳ, ସତ୍ୟ ନାରାୟଣ ସାହୁ, ବାପିନା ବେହେରା,ପ୍ରଶାନ୍ତ ତରାଇ, ସର୍ବେଶ୍ୱର ବେହେରା କଂ ସହିତ ଅନ୍ୟ ସମସ୍ତ ସଦ୍ୟସ କଂ ନିଷ୍ଠା ଏବଂ ସେବା ମନୋଭାବ ପାଇଁ ସଫଳ ହୋଇ ପାରିଛି ବୋଲି ସଂଗଠନ ମୁଖ୍ୟ ଶ୍ରୀ ଦିଲ୍ଲୀପ କୁମାର ବାରିକ କହିଛନ୍ତି | ରାଉରକେଲା ହୋପ ଅଫ ଲାଇଫ ଭଳି ଏକ ସମାଜ ସେବୀ ସଙ୍ଗଠନ ସମାଜ ରେ ମାନବିକତା କୁ ବଞ୍ଚାଇ ରଖିବାକୁ କରାଯାଇଥିବା ପ୍ରୟାସ ନିଶ୍ଚିତ ଭାବେ ପ୍ରଶଂସନୀୟ ।