ବଣାଇ : ଘର ଭାଙ୍ଗି ଧାନ ଖାଇ ଗଲା ହାତୀ।। ଶୁଣ୍ଢରେ ଧାନ ବସ୍ତା ଟେକି ନେଇଗଲା।। ହାତୀ ଉପଦ୍ରବ ରେ ଲୋକେ ଅତିଷ୍ଠ।

ବଣାଇ/ରାଉରକେଲା: ୧୯/୧(ସତ୍ୟାନ୍ୟୁଜ) ସୁନ୍ଦରଗଡ଼ ଜିଲ୍ଲାରେ ଜାରି ରହିଛି ହାତୀ ଆତଙ୍କ। ଜିଲ୍ଲାର ନୂଆଗାଁ ବ୍ଲକ୍ ରେ ଦନ୍ତା ହାତୀ ଉପଦ୍ରବରେ ଲୋକମାନେ ଅତିଷ୍ଠ ଥିବା ବେଳେ ଏବେ ବଣେଇ ଅଞ୍ଚଳରେ ମଧ୍ୟ ସମ ଦଶା। ଏହି ଅଞ୍ଚଳରେ ଦନ୍ତା ହଜେଇ ଦେଇଛି ଗ୍ରାମବାସୀଙ୍କ ନିଦ। ବଣାଇ, ତାମରା, ବାଙ୍କୀ ରେଞ୍ଜ ରେ ରେ ଦନ୍ତା ଦିନରେ ଜଙ୍ଗଲ ରେ ବୁଲି ଡାଳ ଭାଙ୍ଗି ଖାଉ ଥିବା ବେଳେ ରାତି ହେଲେ ଗାଁ ରେ ପଶି ଯାଉଛି । ଘରେ ପଶି ଶୁଣ୍ଢରେ ଧାନ ବସ୍ତା ଉଠେଇ ନେଇ ଯାଉଛି। ଯେଉଁ ଘରେ ଧାନ ରହୁଛି ସେ ଘର କୁ ମଧ୍ୟ ହାତୀ ଭାଙ୍ଗି ଦେଇଛି। କେତେକ ଗ୍ରାମର ଲୋକମାନେ ଘର ଛାଡି ପିଲଛୁଆ ଧରି ରସ୍ତା କୁ ଚାଲି ଆସୁଛନ୍ତି। ବନ ବିଭଗ ଏବଂ ଗ୍ରାମ ବାସି ରାତିରେ ହାତୀ କୁ ଘଉଡ଼ାଇବାକୁ ଉଦ୍ୟମ କରୁଥିବା ବେଳେ ହାତୀ ଯିବାର ନାଁ ଧରୁ ନାହିଁ। ଦନ୍ତା ଉପଦ୍ରବରେ ଅତିଷ୍ଠ ଗ୍ରାମବାସୀ ହାତୀ କୁ ଜଙ୍ଗଲ ମଧ୍ୟକୁ ଘଉଡ଼ାଇ ଦେବାକୁ ବନବିଭାଗ କୁ ନିବେଦନ କରିଛନ୍ତି।