ରାଉରକେଲା : ଜାତୀୟ ପ୍ରେସ ଦିବସ ପାଳନ ଅବସରରେ ଆଲୋଚନା ଚକ୍ର।। ଜିଲ୍ଲା ସୂଚନା ଲୋକ ସମ୍ପର୍କ ବିଭାଗ ପକ୍ଷରୁ କାର୍ଯ୍ୟକ୍ରମ ଆୟୋଜିତ।
ରାଉରକେଲା ଜିଲ୍ଲା ସୂଚନା ଲୋକ ସମ୍ପର୍କ ବିଭାଗ ପକ୍ଷରୁ ଜାତୀୟ ପ୍ରେସ ଦିବସ ପାଳନ
ରାଉରକେଲା:୧୬/୧୧
(ସତ୍ୟାନ୍ୟୁଜ) ଜିଲ୍ଲା ସୂଚନା ଲୋକ ସମ୍ପର୍କ ବିଭାଗ ପକ୍ଷରୁ ଜାତୀୟ ପ୍ରେସ ଦିବସ ଆଜି ଆଇଟିଡିଏ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି l ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ସୀମା ଫାତିମା ଏକ୍କାଙ୍କ ପୌରହିତ୍ୟରେ ଅନୁଷ୍ଠିତ ହୋଇ ଯାଇଛି।ଏହି ଅବସରରେ ‘ଭ୍ରମାତ୍ମକ ଖବର ପ୍ରସାରଣ ବୃଦ୍ଧି ପରିପ୍ରେକ୍ଷୀରେ ଗଣମାଧ୍ୟମର ବିଶ୍ବସନୀୟତା ସଂରକ୍ଷଣ ’ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥିଭାବେ ରାଉରକେଲା ଅତିରିକ୍ତ ଜିଲ୍ଲାପାଳ ତଥା ରାଉରକେଲା ମହାନଗର ଆୟୁକ୍ତ ସୁଶ୍ରୀ ଦୀନା ଦସ୍ତଗୀର ଯୋଗ ଦେଇଥିଲେl ଏହି ଅବସରରେ ସେ ଜାତୀୟ ପ୍ରେସ୍ ଦିବସର ଗୁରୁତ୍ବ ଏବଂ ଆବଶ୍ୟକତା ସମ୍ପର୍କରେ ନିଜର ଅନୁଭବ ଓ ଅଭିଜ୍ଞତା ସମ୍ପର୍କରେ ସୂଚନା ଦେଇଥିଲେ l ଏହା ସହିତ ସମାଜରେ ସନ୍ତୁଳନ ଓ ସମାଜ ହିତ ପାଇଁ ବିଭିନ୍ନ ବର୍ଗର ସାମ୍ବାଦିକମାନଙ୍କ ଦାୟିତ୍ବବଦ୍ଧତା ରହିଲେ ଗଣମାଧ୍ୟମର ବିଶ୍ବସନୀୟତା ବଜାୟ ରହିବ ବୋଲି କହିଥିଲେ l
ସମ୍ମାନିତ ଅତିଥିଭାବେ ପାନପୋଷ ଉପଜିଲ୍ଲାପାଳ ବିଜୟ କୁମାର ନାୟକ ଯୋଗ ଦେଇ କହିଥିଲେ ଯେ ସାମ୍ବାଦିକମାନେ ସର୍ବଦା ଠିକ୍ ବା ସତ ସମ୍ବାଦ ପରିବେଷଣ କଲେ ସମାଜ ଓ ବ୍ୟବସ୍ଥା ସଠିକଭାବେ ଚାଲିବ l ଏହା ସହିତ ଆସନ୍ତା ଦିନରେ ରାଉରକେଲାର ସାମ୍ବାଦିକମାନଙ୍କୁ ସମସ୍ତ ପ୍ରକାରର ପ୍ରଶାସନିକ ସହଯୋଗ କରିବାକୁ ପ୍ରତିଶ୍ରୁତି ଦେଇଥିଲେ l
ଅଧ୍ୟାପକ ମହେନ୍ଦ୍ର ମିଶ୍ର କାର୍ଯ୍ୟକ୍ରମ ସଂଯୋଜନା କରିବା ସହିତ ଦିବସ ପାଳନ ସମ୍ପର୍କରେ ପ୍ରାରମ୍ଭିକ ସୂଚନା ଦେଇଥିଲେ l ଏହି ଅବସରରେ ବିଭିନ୍ନ ଗଣମାଧ୍ୟମର ପତିନିଧି ଯଥା ଜଟାଧାରି ମାଝି, ସଂଗ୍ରାମ କିଶୋର ଭୁୟାଁ ବିବେକାନନ୍ଦ ଦାସ, ଦେବବ୍ରତ ପଟ୍ଟନାୟକ, ସତ୍ୟାନନ୍ଦ ବେହେରା, ନିଗମାନନ୍ଦ ଦାସ, ପବନ ତିୱାରୀ, ସଞ୍ଜୀବ ନାୟକ, ରଜନୀକାନ୍ତ ସ୍ବାଇଁ ପ୍ରମୁଖ ଆଲୋସ୍ୟ ପ୍ରସଙ୍ଗ ସମ୍ପର୍କରେ ନିଜ ନିଜର ମତ ରଖିଥିଲେ l ବିଶେଷ କରି ଭ୍ରମାତ୍ମକ ଖବର ପରିବେଷଣର ବିଭିନ୍ନ ଦିଗ ସହିତ ଗଣମାଧ୍ୟମରେ ବିଶ୍ବସନୀୟତାର ବିଭିନ୍ନ ପ୍ରସଙ୍ଗ ସମ୍ପର୍କରେ ଏହି ଅବସରରେ ଆଲୋଚନା ହୋଇଥିଲ l ଏହି ଅବସରରେ ବିଭିନ୍ନ ସମ୍ବାଦପତ୍ରର ଏକ ପ୍ରଦର୍ଶନୀକୁ ଅତିଥିମାନେ ବୁଲି ଦେଖିଥିଲେ l ଶେଷରେ ବଣାଇ ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ପୁଷ୍ପାଞ୍ଜଳି ସାହୁ ସମସ୍ତଙ୍କୁ ଧନ୍ୟବାଦ ଦେଇଥିଲେ l
କାର୍ଯ୍ୟକ୍ରମରେ ବଣାଇଁ ଓ ରାଉରକେଲାର ବିଭନ୍ନ ଗଣମାଧ୍ୟମର ପ୍ରତିନିଧି ଉପସ୍ଥିତ ଥିଲେ l