ବୃନ୍ଦାବନ : ଆଜି ରାଧାଷ୍ଟମୀ। ଶ୍ରୀ ରାଧାରାଣୀଙ୍କ ଜନ୍ମସ୍ଥାନ ବର୍ଷାଣା ରେ ହୋଇଛି ପ୍ରବଳ ଭିଡ।।

ବୃନ୍ଦାବନ : (ସତ୍ୟାନ୍ୟୁଜ) ଆଜି ରାଧାଷ୍ଟମୀ। ଶ୍ରୀ ରାଧାରାଣୀ ଙ୍କ ଆଜି ଜନ୍ମଦିନ। ରାଧାରାଣୀଙ୍କ ଜନ୍ମଭୂମି ଭାବେ ପରିଚିତ ବର୍ଷାଣା। ଏଠାରେ ରହିଛି ପ୍ରସିଦ୍ଧ ଶ୍ରୀ ରାଧାରାଣୀ ମନ୍ଦିର। ଭକ୍ତଙ୍କ ବିଶ୍ୱାସ, ଏହି ପବିତ୍ର ଧାମରେ ରାଧାରାଣୀଙ୍କ ଦର୍ଶନ କଲେ ଜୀବନରେ ପ୍ରେମ, ଶାନ୍ତି ଓ ଭକ୍ତିର ଅନୁଭବ ମିଳିଥାଏ। ଆସନ୍ତୁ ଜାଣିବା ବର୍ଷାଣାର ଏହି ପ୍ରସିଦ୍ଧ ମନ୍ଦିର ସମ୍ପର୍କରେ।
ଉତ୍ତରପ୍ରଦେଶର ମଥୁରା ଜିଲ୍ଲାରେ ରହିଛି ପବିତ୍ର ବର୍ଷାଣା ଧାମ। ହିନ୍ଦୁ ଧାର୍ମିକ ପରମ୍ପରା ଅନୁସାରେ, ଏହା ହେଉଛି ରାଧାରାଣୀଙ୍କ ଜନ୍ମସ୍ଥାନ।
ବର୍ଷାଣାର ଏକ ପାହାଡ଼ ଉପରେ ଅବସ୍ଥିତ ରାଧାରାଣୀ ମନ୍ଦିରକୁ ଲାଡଲି ଜୀ ମନ୍ଦିର ମଧ୍ୟ କୁହାଯାଏ। ଏହି ମନ୍ଦିର ରାଧାରାଣୀଙ୍କ ପ୍ରତି ଭକ୍ତମାନଙ୍କ ଅଗାଢ଼ ଶ୍ରଦ୍ଧାର ପ୍ରତୀକ।

ମନ୍ଦିରର ସୁନ୍ଦର ସ୍ଥାପତ୍ୟ, ପାହାଡ଼ିଆ ପରିବେଶ ଓ ଆଧ୍ୟାତ୍ମିକ ପରିବେଶ ଭକ୍ତଙ୍କୁ ଆକର୍ଷିତ କରିଥାଏ।
ପ୍ରତିବର୍ଷ ରାଧାଷ୍ଟମୀ ଓ ଲଠମାର ହୋଲି ଭଳି ପର୍ବପର୍ବାଣୀରେ ବର୍ଷାଣାରେ ଭକ୍ତଙ୍କ ଭିଡ଼ ଜମିଥାଏ। ବିଶେଷକରି ଲଠମାର ହୋଲି ପାଇଁ ବର୍ଷାଣା ବିଶ୍ୱବ୍ୟାପୀ ଭାବେ ପରିଚିତ।
ରାଧା-କୃଷ୍ଣଙ୍କ ପ୍ରେମ ଓ ଭକ୍ତିର ପରମ୍ପରା ସହ ଜଡ଼ିତ ଏହି ଧାମ ଦେଶର ବିଭିନ୍ନ ସ୍ଥାନରୁ ଆସୁଥିବା ଭକ୍ତଙ୍କ ପାଇଁ ଏକ ପ୍ରମୁଖ ତୀର୍ଥସ୍ଥଳୀ।
ରାଧାରାଣୀଙ୍କ ପବିତ୍ର ଧାମ ବର୍ଷାଣା, ଯେଉଁଠି ପ୍ରତିଟି କୋଣରେ ଅନୁଭବ ହୁଏ ଭକ୍ତି ଓ ଆଧ୍ୟାତ୍ମିକତାର ସ୍ପର୍ଶ।

ସତ୍ୟାନ୍ୟୁଜ୍ ଆଲର୍ଟ ପାଇଁ ଏଭଳି ଧାର୍ମିକ ଓ ପର୍ଯ୍ୟଟନସ୍ଥଳୀ ସମ୍ପର୍କିତ ଖବର ଦେଖିବାକୁ ଆମ ସହ ଯୋଡ଼ି ହୋଇ ରୁହନ୍ତୁ।