ରାଉରକେଲା : ଵିଶ୍ରା ରୋଡ ଓଭରବ୍ରିଜ୍ ନିକଟରେ ଭୟଙ୍କର ବାଇକ୍ ଦୁର୍ଘଟଣା।। ଯୁବକ ମୃତ , ଯୁବତୀ ଗୁରୁତର।
ବିଶ୍ରା ରୋଡ୍ ଓଭରବ୍ରିଜ୍ ଗଡ଼ାଣିରେ ଭୟଙ୍କର ଦୁର୍ଘଟଣା: ଯୁବକ ମୃତ, ଯୁବତୀ ଗୁରୁତର
ରାଉରକେଲା, ୧୫/୮ (ସତ୍ୟାନ୍ୟୁଜ୍ଆଲର୍ଟ): ରାଉରକେଲା ବିଶ୍ରା ରୋଡ୍ ନିକଟ ଓଭରବ୍ରିଜ୍ ଗଡ଼ାଣିରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଏକ ବାଇକ୍ ଭାରସାମ୍ୟ ହରାଇ ଡିଭାଇଡର୍ରେ ପିଟି ହୋଇଯିବାରୁ ଜଣେ ଯୁବକଙ୍କ ମୃତ୍ୟୁ ହୋଇ ଯାଇଛି। ବାଇକ୍ରେ ଥିବା ଜଣେ ଯୁବତୀ ଗୁରୁତର ଆହତ ହୋଇ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ଦୁର୍ଘଟଣାରେ ଯୁବକ ଜଣକ ଗୁରୁତର ଆହତ ହୋଇଥିଲେ। ପରେ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ମୃତ ଯୁବକ ରାଉରକେଲା ସେକ୍ଟର-୧୯ ଅଞ୍ଚଳର ବୋଲି ପ୍ରାଥମିକ ସୂଚନାରୁ ଜଣାପଡ଼ିଛି।
ଏହି ଦୁଃଖଦ ଘଟଣା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ଦୁର୍ଘଟଣାଟି କେଉଁ ପରିସ୍ଥିତିରେ ଘଟିଲା, ବାଇକ୍ଟି କିପରି ନିୟନ୍ତ୍ରଣ ହରାଇଲା ଏବଂ ଅନ୍ୟ କୌଣସି କାରଣ ଥିଲା କି ନାହିଁ, ସେନେଇ ପ୍ଲାଣ୍ଟ ସାଇଟ୍ ଥାନା ପୋଲିସ ତଦନ୍ତ ଆରମ୍ଭ କରିଛି।