ବଣେଇ ପରେ ଧରଣୀଧରପାଲି ରେ ଦନ୍ତା ଆତଙ୍କ ।। ଘରଦ୍ୱାର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କଲେ ।

ସୁନ୍ଦରଗଡ଼ ଜିଲ୍ଲା ବଣେଇ ଅଞ୍ଚଳରେ ବହୁଦିନ ଧରି ଦୁଇଟି ଦନ୍ତାହାତୀ ଜଙ୍ଗଲ ରୁ ଆସି ବ୍ୟାପକ କ୍ଷୟକ୍ଷତି କରୁଥିବା ଜାରି ରହିଛି । ଏବେ ଧରଣୀଧର ପାଲି ରେ ଏକ ଦନ୍ତା ହାତୀ ଜଙ୍ଗଲ ରୁ ଆସି ବ୍ୟାପକ ଫସଲ ହାନି କରିବା ସହ ଗାଁ ରେ ପଶି ଲୋକଙ୍କ ଘର ଭାଙ୍ଗି ଦେଉଛି ।

ଘର ଭାଙ୍ଗିବା ସହ ଘରେ ଥିବା ଆସବାବପତ୍ର ନଷ୍ଟ କରିଦେଉଛି । ଯେତେ ଚେଷ୍ଟା କଲେ ମଧ୍ୟ ହାତୀ ମାନେ ଏହି ଅଞ୍ଚଳ ଛାଡି ଯାଉ ନାହାଁନ୍ତି । ଗତ ସାତ ଦିନ ମଧ୍ୟରେ ଏହି ଅଞ୍ଚଳରେ ଚାରିଜଣ ହାତୀ ଆକ୍ରମଣରେ ଆହତ ହୋଇଥିବାରୁ ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି । ବନବିଭାଗ ପକ୍ଷରୁ ଲୋକଙ୍କ ସହଯୋଗରେ ହାତୀ ଘଉଡାଇବା କୁ ଉଦ୍ୟମ ଜାରି ରହିଛି । କ୍ଷତିପୂରଣ ଦେବାକୁ ଗ୍ରାମବାସୀ ମାନେ ଦାବି କରିଥିବା ବେଳେ କ୍ଷୟକ୍ଷତି ର ଆକଳନ ପରେ କ୍ଷତିପୂରଣ ଦିଆଯିବ ବୋଲି ବନବିଭାଗ ପକ୍ଷରୁ କୁହାଯାଇଛି ।