ମମିତା ମେହେର ହତ୍ୟାକାଣ୍ଡ ଘଟଣା ।। ମନ୍ତ୍ରୀ ଦିବ୍ୟଶଙ୍କରଙ୍କ ଇସ୍ତଫା ଦାବିରେ ରାଉରକେଲା ରେ ବିଜେପିର ଏସପି ଙ୍କ କାର୍ଯ୍ୟାଳୟ ଘେରାଉ ।

କଳାହାଣ୍ଡି ଜିଲ୍ଲା ମହଲିଙ୍ଗ ସନ
ସାଇନ ଇଂଲିଶ ମିଡ଼ିଅମ ସ୍କୁଲ ର ଶିକ୍ଷୟତ୍ରୀ ମମିତା ମେହେର ହତ୍ୟା ମାମଲା ରେ ମନ୍ତ୍ରୀ ଦିବ୍ୟଶଙ୍କର ମିଶ୍ର ଙ୍କ ସମ୍ପୃକ୍ତି ଥିବା ଅଭିଯୋଗ କରି ରାଉରକେଲା ରେ ବିଜେପି ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି

। ବିଜେପି ପକ୍ଷରୁ ଶନିବାର ଦିନ ଏହି ସନ୍ଦର୍ଭରେ ରାଉରକେଲା ଏସ ପି ଅଫିସ ଘେରାଉ କରିବାକୁ ଉଦ୍ୟମ କରାଯାଇଥିଲା । ବିଜେପି ଯୁବା ମୋର୍ଚ୍ଚା ପକ୍ଷରୁ ଦିଆଯାଇଥିବା ଏହି ଆନ୍ଦୋଳନ ଡ଼ାକରାରେ ଶହ ଶହ ବିଜେପି କର୍ମୀ ଯୋଗ ଦେଇଥିଲେ । 0

ମନ୍ତ୍ରୀ ଦିବ୍ୟଶଙ୍କର ଙ୍କ ଇସ୍ତଫା ଦାବି ତଥା ମମିତା ହତ୍ୟାକଣ୍ଡର ସିବିଆଇ ତଦନ୍ତ ଦାବିରେ ବିଜେପି କର୍ମୀମାନେ
ଏସ ପି ଙ୍କ କାର୍ଯ୍ୟାଳୟ କୁ ଧସେଇ ପଶିବାକୁ ଉଦ୍ୟମ କଲାବେଳେ ପୋଲିସ ସହ ଧସ୍ତାଧସ୍ତି ହୋଇଥିଲା । ପରେ ପୋଲିସ ବିଜେପି ନେତା ନିହାର ରାୟ , ଲତିକା ପଟ୍ଟନାୟକ , ଜଗବନ୍ଧୁ ବେହେରା , ବିଜେପି ଯୁବାମୋର୍ଚ୍ଚା ନେତା ଅଙ୍କୁଶ ବର୍ମା , ଦିଲ୍ଲୀପ ଦାସ , ଭିନ୍ଦର ସିଂ ଙ୍କ ସମେତ ଶତାଧିକ କର୍ମୀଙ୍କୁ ଗିରଫ କରିଥିଲେ । ମମିତା ମେହେର ହତ୍ୟାକାଣ୍ଡରେ ଗିରଫ ଗୋବିନ୍ଦ ସାହୁ ସହ ମନ୍ତ୍ରୀ ଦିବ୍ୟଶଙ୍କର ଙ୍କ ଘନିଷ୍ଠତା ତଥା ଏହି ହତ୍ୟା ଷଢଯନ୍ତ୍ର ରେ ତାଙ୍କର ସମ୍ପୃକ୍ତି ଥିବାରୁ ମୁଖ୍ୟମନ୍ତ୍ରୀ ମନ୍ତ୍ରୀ ଦିବ୍ୟଶଙ୍କର ଙ୍କୁ ବରଖାସ୍ତ କରିବାକୁ ବିଜେପି ପକ୍ଷରୁ ଦାବି କରାଯାଇଥିଲା । ଏହା ସହ
ସିବିଆଇ ତଦନ୍ତ ଲାଗି ମୁଖ୍ୟମନ୍ତ୍ରୀ ସୁପାରିସ କରିବାକୁ ଦାବି କରାଯାଇଥିଲା ।