ରାଉରକେଲା ରେ ସ୍ବେରେଜ ପ୍ରକଳ୍ପ ରେ ଦୁର୍ନୀତି ଅଭିଯୋଗ କଲା କଂଗ୍ରେସ ।। ଭିଜିଲାନ୍ସ ତଦନ୍ତ ଦାବି ।

0 394

ରାଉରକେଲା ସ୍ମାର୍ଟ ସିଟି ରେ ଦୀର୍ଘ ପାଞ୍ଚବର୍ଷ ହେଲା ଚାଲୁଥିବା ସ୍ବେରେଜ ପ୍ଲାଣ୍ଟ ପ୍ରକଳ୍ପ ର ସଫଳତା ତଥା କାର୍ଯ୍ୟକାରିତା କୁ ନେଇ କଂଗ୍ରେସ ଦଳ ସନ୍ଦେହ ପ୍ରକାଶ କରିଛି ।

ଏହା ସହ ୩୪୮ କୋଟି ଟଙ୍କା ଅର୍ଥ ବିନିମୟରେ ହେଉଥିବା ଏହି କାମରେ ଦୁର୍ନୀତି ହୋଇଥିବା ଅଭିଯୋଗ କରି ଏହାର ଭିଜିଲାନ୍ସ ତଦନ୍ତ ଦାବି କରିଛି କଂଗ୍ରେସ । ୨୦୧୭ ମସିହାରେ ଆରମ୍ଭ ହୋଇଥିବା ଏହି କାମ ତିନିବର୍ଷ ମଧ୍ୟରେ ଶେଷ ହେବା କଥା । କାର୍ଯ୍ୟ ଆରମ୍ଭ ର ପାଞ୍ଚ ବର୍ଷ ହୋଇ ଯାଇଥିଲେ ମଧ୍ୟ ଏପର୍ଯ୍ୟନ୍ତ ୩୦ ପ୍ରତିଶତ କାମ ବାକି ଥିବା ଅଭିଯୋଗ କରିଛି କଂଗ୍ରେସ ଦଳ । କାମ ସରି ନଥିବା ବେଳେ କାମ କରୁଥିବା ଠିକା କମ୍ପାନୀ ସ୍ବେରେଜ ବୋର୍ଡ ରୁ କାର୍ଯ୍ୟ ସମ୍ପୂର୍ଣ୍ଣ ପ୍ରମାଣ ପତ୍ର ନେଇ ଚାଲିଯିବା ମସୁଧା କରୁଛି। ଏହାଛଡା ନିମ୍ନମାନ ର କାମ ହୋଇଥିବା ଅଭିଯୋଗ ହୋଇଛି । ଗୁରୁବାର ଦିନ ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ଅଧ୍ୟକ୍ଷ ଜର୍ଜ ତିର୍କୀ ଭିଜିଲାନ୍ସ ତଦନ୍ତ ଦାବି କରିଛନ୍ତି । ରାଉରକେଲା ଜିଲ୍ଲା କଂଗ୍ରେସ ପୂର୍ବତନ ସଭାପତି ବିରେନ ସେନାପତି ମଧ୍ୟ ଅନୁରୂପ ଅଭିଯୋଗ କରି ଶୀଘ୍ର ସ୍ବେରେଜ ବୋର୍ଡ କାମ ସାରିବାକୁ ଦାବି କରିଛନ୍ତି ।

Leave A Reply

Your email address will not be published.