ଜାତୀୟ କନିଷ୍ଠ ନେହେରୁ କପ ଖେଳିବାକୁ ଦିଲ୍ଲୀ ଯାତ୍ରାକଲେ ଉଭୟ ବାଳକ ଏବଂ ବାଳିକା ଦଳ ।।ସୁନ୍ଦରଗଡ଼ ଜିଲ୍ଲାପାଳ ଫୁଲ ଦେଇ ଜଣାଇଲେ ଶୁଭେଚ୍ଛା ।

ଜାତୀୟ କନିଷ୍ଠ ନେହେରୁ କପ ଖେଳିବା ଲାଗି ଆଜି ସୁନ୍ଦରଗଡର ଉଭୟ ବାଳକ ଏବଂ ବାଳିକା ଟିମ ଦିଲ୍ଲୀ ଯାତ୍ରା କରିଛନ୍ତି । ଏହା ପୂର୍ବରୁ ରାଉରକେଲା ରାଜ୍ୟ କ୍ରୀଡା ଛାତ୍ରାବାସରେ ରାଜ୍ୟସ୍ତରୀୟ ନେହେରୁ କପ ପ୍ରତିଯୋଗିତା ଆୟୋଜିତ ହୋଇଥିଲା।

ଏହି ପ୍ରତିଯୋଗିତାରେ ରାଜ୍ୟର ୧୩ ଟି ଦଳ ଯୋଗ ଦେଇଥିଲେ । ଉଭୟ ବାଳିକା ଏବଂ ବାଳକ ଵର୍ଗ ରେ ସୁନ୍ଦରଗଡ଼ ଟାଉନ ହାଇସ୍କୁଲ ଟିମ ଚମ୍ପିୟନ ହୋଇଥିଲେ । ଯାତ୍ରା ପୂର୍ବରୁ ସୁନ୍ଦରଗଡ଼ ଜିଲ୍ଲାପାଳ ନିଖିଲ ପବନ କଲ୍ୟାଣ ରାଜ୍ୟ ସ୍ତରୀୟ କନିଷ୍ଠ ହକି ପ୍ରତିଯୋଗିତାରେ ଚାମ୍ପିଅନ ହୋଇଥିବା ସୁନ୍ଦରଗଡ଼ ଟାଉନ ହାଇସ୍କୁଲର ଉଭୟ ବାଳକ ଏବଂ ବାଳିକା ଦଳ କୁ ଫୁଲ ଦେଇ ସ୍ୱାଗତ କରିଥିଲେ । ଜିଲ୍ଲାରେ ବହୁ ହକି ପ୍ରତିଭା ଥିବାରୁ ସେମାନଙ୍କ ଖେଳରେ ଉନ୍ନତି ଆଣିବାକୁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ଉଦ୍ୟମ କରାଯାଉଛି ବୋଲି ଜିଲ୍ଲାପାଳ କହିବା ସହ ଉଭୟ ଟିମ ଙ୍କୁ ଶୁଭେଛା ଜଣାଇଥିଲେ ।