ମମିତା ମେହେର ହତ୍ୟାକାଣ୍ଡ : ରାଜ୍ୟ ଗୃହ ଏବଂ ଶକ୍ତି ମନ୍ତ୍ରୀଙ୍କ ଇସ୍ତଫା ଦାବିକଲା ବଣେଇ ବିଜେପି ଯୋଗଦେଲେ ସାଂସଦ ଜୁଏଲ ଓରାମ ।

ବହୁଚର୍ଚ୍ଚିତ କଳାହାଣ୍ଡି ଜିଲ୍ଲା ମହଲିଙ୍ଗ ସନ ସାଇନ ସ୍କୁଲ ଶିକ୍ଷୟତ୍ରୀ ମମିତା ମେହେର ହତ୍ୟାକାଣ୍ଡ ରେ ରାଜ୍ୟ ଶକ୍ତି ଓ ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ଙ୍କ ଇସ୍ତଫା ଦାବୀ ଓ ସମ୍ପୂର୍ଣ୍ଣ ଘଟଣା ର ସିବିଆଇ ତଦନ୍ତ ଦାବି କରିଛି ବଣେଇ ର ଭାରତୀୟ ଜନତା ପାର୍ଟି ।

ଏହି ଘଟଣା ରେ ସମ୍ପୃକ୍ତ ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସହ ଘଟଣା ର ସତ୍ୟାସତ୍ୟ ଉନ୍ମୋଚନ କରିବା ଦାବୀ ନେଇ ବଣାଇଁ ବିଜେପି ପକ୍ଷରୁ ଏକ ଶୋଭାଯାତ୍ର ବାହାର କରାଯାଇଥିଲା । ବାବା ବାଣେଶ୍ୱର ମନ୍ଦିର ନିକଟରୁ ବିଜେପି ଯୁବମୋର୍ଚ୍ଚା, ମହିଳା ମୋର୍ଚ୍ଚା ର କର୍ମକର୍ତ୍ତା ମାନେ ଶୋଭାଯାତ୍ରାରେ ଆସି ବଣାଇ ଉପଖଣ୍ଡ ଅତିରିକ୍ତ ଆରକ୍ଷୀ ଅଧିକ୍ଷକ ଙ୍କୁ ସାକ୍ଷାତ କରି ରାଜ୍ୟ ପୋଲିସ ମହା ନିର୍ଦ୍ଦେଶକ ଙ୍କ ଉଦେଶ୍ୟରେ ଏକ ଦାବୀ ପତ୍ର ପ୍ରଦାନ କରିଥିଲେ। ଏହା ସହ ଅତିରିକ୍ତ ଆରକ୍ଷୀ ଅଧିକ୍ଷକ ଙ୍କ କାର୍ଯ୍ୟାଳୟ ସମ୍ମୁଖ ରେ ଶହ ଶହ ସଂଖ୍ୟାରେ ବିଜେପି କର୍ମକର୍ତ୍ତା ମାନେ ହାତରେ ଦଳୀୟ ପତାକା ଓ ପ୍ଲାକାର୍ଡ ଧରି ସମ୍ପୃକ୍ତ ମନ୍ତ୍ରୀ ଙ୍କ ଇସ୍ତଫା ତଥା ଗିରଫ ଦାବି କରିଥିଲେ । ଏହି କାର୍ଯ୍ୟକ୍ରମ ରେ ସୁନ୍ଦରଗଡ ସାଂସଦ ତଥା ସଂସଦୀୟ ପ୍ରତିରକ୍ଷା କମିଟି ଅଧ୍ୟକ୍ଷ ଶ୍ରୀ ଜୁଏଲ ଓରାମ, ବଣାଇଁ ବିଜେପି ଜିଲ୍ଲା ସଭାପତି ଅନିଲ କୁମାର ବାର୍ଲା, ଜିଲ୍ଲା ପ୍ରବକ୍ତା ପୂର୍ଣ୍ଣଚନ୍ଦ୍ର ପ୍ରଧାନ, ବରିଷ୍ଠ ନେତା ମନୋଜ କୁମାର ପ୍ରଧାନ, ଜିଲ୍ଲା ସାଧାରଣ ସମ୍ପାଦକ ଅଭିରାମ ମହାକୁଳ ପ୍ରମୁଖ ଯୋଗ ଦେଇଥିଲେ ।