ସୁନ୍ଦରଗଡ : ଅତିରିକ୍ତ ତହସିଲଦାର ଙ୍କ ଘରେ ଭିଜିଲାନ୍ସ ଚଢ଼ାଉ।। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ।

ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଅତିରିକ୍ତ ତହସିଲଦାରଙ୍କ ଘର ଉପରେ ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି। ବୁଧବାର ସକାଳୁ ସୁନ୍ଦରଗଡ ଭିଜିଲାନ୍ସ ବିଭାଗ ପକ୍ଷରୁ ଟାଙ୍ଗରପାଲି ତହସିଲ ର ଅତିରିକ୍ତ ତହସିଲଦାର କୁଳମଣି ପଟେଲଙ୍କ ଘରେ ଏହି ଚଢ଼ାଉ କରାଯାଇଛି। କୁଳମଣି ଙ୍କ ପିତୃକ ଗାଁ ଲେଫ୍ରିପଡା , ଡୁମାବହାଲ ସୁନ୍ଦରଗଡ଼ ସମେତ ସମୁଦାୟ ୮ଟି ସ୍ଥାନରେ ଏକକାଳୀନ ଏହି ଚଢାଉ ଜାରି ରହିଛି । ସୁନ୍ଦରଗଡ଼ ସହରର ମିଶନ ରୋଡ ସ୍ଥିତ ଦୁଇ ମହଲା ଘର ଲେଫ୍ରିପଡ଼ା ର ତିନି ମହଲା ଘର ଏବଂ ଡୁମାବାହାଲ ରେ ତିନୋଟି ଘର ଏପରି ୮ଟି ସ୍ଥାନରେ ଚଢ଼ାଉ ଜାରି ରହିଛି । କୁଳମଣି କିରାଣୀ ଭାବେ ଚାକିରି ଆରମ୍ଭ କରି ପଦୋନ୍ନତି ପାଇ
ଓ ଆର ଏସ ପାଇଥିଲେ। ଏହା ପୂର୍ବରୁ ସେ ହେମଗିରି ତହସିଲ ରେ ମଧ୍ୟ ଅତିରିକ୍ତ ତହସିଲଦାର ଭାବରେ ଅବସ୍ଥାପିତ ଥିଲେ। ଏବେ ସୁଦ୍ଧା ମିଳିଥିବା ରିପୋର୍ଟ ଅନୁଯାୟୀ ତାଙ୍କର ଦୁଇଟି ଦୁଇ ମହଲା କୋଠା , ଦୁଇଟି ଟ୍ରାକ୍ଟର , ଦୁଇଟି ବୋଲେରୋ , ଗୋଟିଏ କମାଣ୍ଡର ଗାଡି ଥିବା ଜଣା ପଡ଼ିଛି।