ରାଉରକେଲା ପ୍ରଶାସନ ଏବଂ ରେଲୱେ ଅଧିକାରୀଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ନିରୀକ୍ଷଣ।।
କାର୍ଯ୍ୟ ଶୀଘ୍ର ସମ୍ପାଦନ ନେଇ ଆଶା ବ୍ୟକ୍ତ କଲେ ସମାଜସେବୀ ଅମିତାଭ ସାମଲ।

ରାଉରକେଲା ରେ ରେଳବାଇ ପକ୍ଷରୁ ହାତକୁ ନିଆଯାଇଥିବା କେତେକ ଉନ୍ନୟନ ମୂଳକ କାମର ସମୀକ୍ଷା କରାଯାଇଛି। ଶନିବାର ଦିନ ରାଉରକେଲା ମହାନଗର ନିଗମ କମିଶନର ଡ. ଶୁଭଙ୍କର ମହାପାତ୍ର, ଡେପୁଟି କମିଶନର ସୁଧାଂଶୁ ଭୋଇ, ରାଉରକେଲା ରେଲୱେ ମୁଖ୍ୟ ବାଣିଜ୍ୟିକ ଇନ୍ସପେକ୍ଟର ରାକେଶ କୁମାର ରୟ, ଡେପୁଟି ଏସ୍ କମର୍ସିଆଲ୍ ରାଉରକେଲା କମଲେଶ ଗାଗରାଇ, ସୀ ଏ ଆଇ ଆର ରାଉରକେଲା ଅରବିନ୍ଦ କୁମାର, ରାଉରକେଲା ରେଲୱେ ଷ୍ଟେସନ ଅଧୀକ୍ଷକ ଏ.କେ. ମିଶ୍ରା , ସମାଜସେବୀ ତଥା ରାଉରକେଲା ଜାଗରଣ ମଞ୍ଚର ଅଧ୍ୟକ୍ଷ ତଥା ରାଉରକେଲା ରେଳବାଇ କନସଲ୍ଟିଭ କମିଟିର ସଦସ୍ୟ ଅମିତାଭ ସାମଲ ସଂଯୁକ୍ତ ଟିମ ବିଭିନ୍ନ ପ୍ରଗତିଶୀଳ କାର୍ଯ୍ୟକୁ ମିଳିତ ଭାବରେ ନିରୀକ୍ଷଣ କରିଥିଲେ। ପୁରୁଣା ଟ୍ୟାକ୍ସି ଷ୍ଟାଣ୍ଡରୁ ରେଳ ଷ୍ଟେସନ ପର୍ଯ୍ୟନ୍ତ ରାସ୍ତା କାମ ଶୀଘ୍ର ଆରମ୍ଭ କରିବା ଏବଂ ରେଳ ଷ୍ଟେସନରେ ଏକ ପ୍ରିପେଡ୍ ଅଟୋ ସିଷ୍ଟମ ଆରମ୍ଭ କରିବ ନେଇ ବିଚାର ବିମର୍ଶ କରାଯାଇଥିଲା | ପୂର୍ବରୁ ସମାଜସେବୀ ଅମିତାଭ ସାମଲଙ୍କ ଦ୍ଵାରା ଏକ ଚିଠି ମାଧ୍ୟମରେ ବିଭିନ୍ନ ପ୍ରଗତିଶୀଳ କାର୍ଯ୍ୟ ପାଇଁ ଅନୁରୋଧ କରାଯାଇଥିଲା। ପୁରୁଣା ଟ୍ୟାକ୍ସି ଷ୍ଟାଣ୍ଡରୁ ରେଳ ଷ୍ଟେସନ ରୋଡ ପର୍ଯ୍ୟନ୍ତ ସଡକ କାର୍ଯ୍ୟ ସମାପ୍ତ କରିବା, ରେଳ ଷ୍ଟେସନରେ ପ୍ରିପେଡ୍ ଅଟୋ ଆରମ୍ଭ କରିବା, ବିଦ୍ୟୁତ୍ ସ୍ଥାନାନ୍ତର (ଯାହା ଆରପିଏଫ୍ କାର୍ଯ୍ୟାଳୟ ନିକଟରେ),ସହିତ ପୂର୍ତ୍ତ ବିଭାଗ ଦ୍ଵାରା ଆରମ୍ଭ ସଡକ ପ୍ରକଳ୍ପ କାର୍ଯ୍ୟ , ବସନ୍ତୀ କଲୋନୀ (ମାଲଗୋଦାମ) ରୁ ବୀ ଏସ ଏନ ଏଲ ଛକ ପର୍ଯ୍ୟନ୍ତ କାମ ଶୀଘ୍ର ଆରମ୍ଭ କରିବା ନେଇ ଆଲୋଚନା ହୋଇଥିଲା। ବିସ୍ରା ଛକ ରୁ ରାଉରକେଲା ଷ୍ଟେସନ ରୋଡ୍ କାର୍ଯ୍ୟ, ରାଉରକେଲାକୁ ଆରଏମସି ଏବଂ ରେଳ ପ୍ରଶାସନ ମଧ୍ୟରେ ଏକ ବୈଠକ ଆୟୋଜନ କରିବାକୁ ମଧ୍ୟ ଅନୁରୋଧ କରାଯାଇଥିଲା | ଶନିବାର ଅନୁଷ୍ଠିତ ହୋଇଥିବା ସଂଯୁକ୍ତ ନିରୀକ୍ଷଣରେ ବିଭିନ୍ନ କାର୍ଯ୍ୟକୁ ତ୍ୱରାନ୍ୱିତ କରିବାନେଇ ବିଚାର ବିମର୍ଶ କରାଯାଇଥିଲା।