ରାଉରକେଲା ରେ ପିକଅପ ଭ୍ୟାନ ଧକ୍କାରେ ବାଇକ ଆରୋହୀଙ୍କ ମୃତ୍ୟୁ।। ଧକ୍କା ଦେବା ପରେ ଭ୍ୟାନ ଓଲଟି ପଡିଲା।

ରାଉରକେଲା ପାନପୋଷ ବାଇପାସ ରୋଡ କଳିଙ୍ଗ ଟ୍ରମା ହସପିଟାଲ ନିକଟରେ ଏକ ପିକଅପ ଭ୍ୟାନ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଯାଇଛି l

ଶୁକ୍ରବାର ସକାଳେ ଏହି ଦୁର୍ଘଟଣା ଘଟିଥିବା ବେଳେ ମୃତକଙ୍କ ପରିଚୟ ମିଳିପାରିନାହିଁ l ଦୁର୍ଘଟଣା ସ୍ଥଳରୁ ପିକଅପ ଭ୍ୟାନ ଛାଡି ଚାଳକ ଫେରାର ହୋଇଯାଇଛି l ରଘୁନାଥପାଲ୍ଲୀ ଥାନା ପୁଲିସ ମୋଟର ବାଇକ ଆରୋହୀଙ୍କ ଶବ ପୋଷ୍ଟମର୍ଟମ ଲାଗି ରାଉରକେଲା ସରକାରୀ ଡାକ୍ତରଖାନାକୁ ପଠାଇଛନ୍ତି l ପୋଲିସ ଦୁର୍ଘଟଣାଗ୍ରସ୍ତ ବାଇକ ଏବଂ ପିକଅପ ଭ୍ୟାନ ଜବତ କରି ଘଟଣାର ତଦନ୍ତ କରୁଛନ୍ତି l ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ବାଇକ ଆରୋହୀ ସିଭିଲଟାଉନସିପରୁ ବାଇପାସ ରୋଡକୁ ବାହାରୁ ଥିବା ବେଳେ ସମ୍ମୁଖ ପଟୁ ଦ୍ରୁତ ଗତିରେ ଆସୁଥିବା ପିକଅପ ଭ୍ୟାନ ବାଇକକୁ ଧକ୍କା ଦେଇଥିଲା। ଧକ୍କା ଦେବା ପରେ ରାସ୍ତା ଉପରେ ଭ୍ୟାନଟି ଓଲଟି ପଡିଥିଲା l