ଡେବ୍ରିଗଡ : ପ୍ରକୃତି ର ଅପୂର୍ବ ସୋନ୍ଦର୍ଯ୍ୟଡେବ୍ରିଗଡ଼ ଅଭୟାରଣ୍ୟ।। ନେଚର୍ କ୍ୟାମ୍ପ ସହ ବୋଟିଂ ରେ ମଜା ଅବିସ୍ମରଣୀୟ।
ପ୍ରକୃତି କୋଳରେ ଡେବ୍ରିଗଡ଼ ଅଭୟାରଣ୍ୟ। ହୋମ୍ଷ୍ଟେ, ନେଚର କ୍ୟାମ୍ପ ଓ ବୋଟିଂର ମଜା ଏକ ଭିନ୍ନ ଅନୁଭବ।
ଡେବ୍ରିଗଡ଼:୨୬/୧୦
(ସତ୍ୟାନ୍ୟୁଜ) ପ୍ରକୃତିର ମନୋରମ ପରିବେଶ… ଚାରିଆଡ଼େ ସବୁଜ ବନାନୀ… ଜଙ୍ଗଲୀ ଜୀବଜନ୍ତୁଙ୍କ ଚଳପ୍ରଚଳ ଆଉ ହୀରାକୁଦ ଜଳଭଣ୍ଡାରର ମନଲୋଭା ଦୃଶ୍ୟ। ପ୍ରକୃତିର ଏହି ଅପୂର୍ବ ସୌନ୍ଦର୍ଯ୍ୟକୁ ନିକଟରୁ ଅନୁଭବ କରିବାକୁ ହେଲେ ଆସିବାକୁ ପଡ଼ିବ ଡେବ୍ରିଗଡ଼ ଅଭୟାରଣ୍ୟ।
ଓଡ଼ିଶାର ବରଗଡ଼ ଜିଲ୍ଲାରେ ଅବସ୍ଥିତ ଏହି ଅଭୟାରଣ୍ୟ ପ୍ରକୃତିପ୍ରେମୀ ଓ ପର୍ଯ୍ୟଟକଙ୍କ ପାଇଁ ଏକ ଆକର୍ଷଣୀୟ ସ୍ଥାନ। ଏଠାକାର ଘଞ୍ଚ ଜଙ୍ଗଲ, ବିଭିନ୍ନ ପ୍ରଜାତିର ବନ୍ୟଜନ୍ତୁ ଓ ପକ୍ଷୀଙ୍କ ସହ ହୀରାକୁଦ ଜଳଭଣ୍ଡାରର ସୌନ୍ଦର୍ଯ୍ୟ ପର୍ଯ୍ୟଟକଙ୍କୁ ମନ୍ତ୍ରମୁଗ୍ଧ କରିଥାଏ।
କେବଳ ଦିନିକିଆ ଭ୍ରମଣ ନୁହେଁ, ଏଠାରେ ରହି ପ୍ରକୃତିର ମଜା ନେବା ପାଇଁ ରହିଛି ହୋମ୍ଷ୍ଟେ ଓ ନେଚର କ୍ୟାମ୍ପର ସୁବିଧା। ଅତିଥି ସତ୍କାର କରିବାରେ ହୋମ ଷ୍ଟେ ର ପରିଚାଳକ କୌଣସି କାର୍ପଣ୍ୟ କରି ନଥାନ୍ତି। ପର୍ଯ୍ୟଟକଙ୍କୁ ବନ୍ଦାପନା କରି ସ୍ୱାଗତ କରିଥାନ୍ତି ସ୍ଥାନୀୟ ମହିଳା ମାନେ।
ଜଙ୍ଗଲର ଶାନ୍ତ ପରିବେଶରେ ସମୟ ବିତାଇବା ସହ ସକାଳର ସତେଜ ପବନ ଓ ପ୍ରକୃତିର ନିରବତା ଯାତ୍ରାକୁ କରିଥାଏ ଆହୁରି ସ୍ମରଣୀୟ।
ଏହା ସହ ହୀରାକୁଦ ଜଳଭଣ୍ଡାରରେ ବୋଟିଂର ରୋମାଞ୍ଚକର ଅନୁଭୂତି ପର୍ଯ୍ୟଟକଙ୍କ ଆକର୍ଷଣକୁ ଦ୍ୱିଗୁଣିତ କରେ। ଜଳରାଶି ମଧ୍ୟରେ ନୌବିହାର ସହ ଚାରିପାଖର ପ୍ରାକୃତିକ ଦୃଶ୍ୟ ଉପଭୋଗ କରିବାର ଅନୁଭବ ନିଶ୍ଚିତ ଭାବେ ଅବିସ୍ମରଣୀୟ। ବିଶେଷ କରି ନୌବିହାର
ସମୟରେ ପକ୍ଷୀଙ୍କ କଳରବ ମନକୁ ପ୍ରଫୁଲ୍ଲିତ କରେ।
ତେଣୁ ପରିବାର, ସାଙ୍ଗସାଥୀ କିମ୍ବା ପ୍ରିୟଜନଙ୍କ ସହ କିଛି ସମୟ ପ୍ରକୃତି କୋଳରେ ବିତାଇବାକୁ ଚାହୁଁଥିଲେ,
ଡେବ୍ରିଗଡ଼ ହୋଇପାରେ ଆପଣଙ୍କ ପରବର୍ତ୍ତୀ ଟ୍ରାଭେଲ୍ ଡେଷ୍ଟିନେସନ୍।
ଡେବ୍ରିଗଡ଼ — ଯେଉଁଠି ଜଙ୍ଗଲର ରୋମାଞ୍ଚ, ଜଳଭଣ୍ଡାରର ସୌନ୍ଦର୍ଯ୍ୟ ଓ ପ୍ରକୃତିର ଶାନ୍ତି ଏକାଠି ଦେଖିବାକୁ ମିଳେ।