ରାଉରକେଲାରେ ମା’ ଦୁର୍ଗାଙ୍କ ଭସାଣି ଉତ୍ସବ, ୨୮ ପ୍ଲାଟୁନ୍ ପୋଲିସ ଫୋର୍ସ ମୁତୟନ
ରାଉରକେଲା : ୨୩/୧୦
(ସତ୍ୟାନ୍ୟୁଜ) ରାଉରକେଲାରେ ଆଜି ଚାଲିଛି ମା’ ଦୁର୍ଗାଙ୍କ ଭସାଣି ଉତ୍ସବ। ଦଶହରାର ପୂଜାର୍ଚ୍ଚନା ପରେ ମା’ଙ୍କୁ ମେଲାଣି ଦେବା ପାଇଁ ଭକ୍ତଙ୍କ ମଧ୍ୟରେ ଦେଖିବାକୁ ମିଳିଛି ଉତ୍ସାହ ଓ ଭାବବିହ୍ୱଳ ପରିବେଶ। ସହରର ବିଭିନ୍ନ ପୂଜା ମଣ୍ଡପରୁ ମା’ଙ୍କ ପ୍ରତିମାକୁ ଭସାଣି ପାଇଁ ନିଆଯାଉଥିବା ବେଳେ, ଶାନ୍ତିଶୃଙ୍ଖଳା ରକ୍ଷା ଓ ସୁରକ୍ଷା ବ୍ୟବସ୍ଥାକୁ ନଜରରେ ରଖି ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି।
ରାଉରକେଲାରେ ଧୁମ୍ଧାମ୍ରେ ଚାଲିଛି ମା’ ଦୁର୍ଗାଙ୍କ ଭସାଣି ଉତ୍ସବ। ଢୋଲ, ମହୁରୀ ଓ ବାଜାର ତାଳେ ତାଳେ ଭକ୍ତିମୟ ପରିବେଶରେ ମା’ଙ୍କୁ ବିଦାୟ ଦେଉଛନ୍ତି ଶ୍ରଦ୍ଧାଳୁ। ବିଭିନ୍ନ ପୂଜା କମିଟି ପକ୍ଷରୁ ଆକର୍ଷଣୀୟ ଶୋଭାଯାତ୍ରାରେ ମା’ଙ୍କ ପ୍ରତିମାକୁ ଭସାଣି ସ୍ଥଳକୁ ନିଆଯାଉଛି।
ସହରର ବାଲୁଘାଟଠାରେ ନିର୍ମିତ ଅସ୍ଥାୟୀ ପୋଖରୀରେ ଏବେ ସୁଦ୍ଧା ୧୦ଟି ମା’ଙ୍କ ପ୍ରତିମା ବିସର୍ଜନ କରାଯାଇଛି। ରାତି ସୁଦ୍ଧା ଏହି ସ୍ଥାନରେ ଅତି କମ୍ରେ ୮୦ଟି ପୂଜା ମେଢ଼ର ପ୍ରତିମା ବିସର୍ଜନ କରାଯିବାର ଆକଳନ କରାଯାଇଛି। ଏଥିପାଇଁ ଭସାଣି ସ୍ଥଳରେ ଆବଶ୍ୟକୀୟ ବ୍ୟବସ୍ଥା ସହ ଶୃଙ୍ଖଳିତ ଭାବେ ବିସର୍ଜନ କାର୍ଯ୍ୟ ସମ୍ପନ୍ନ କରିବା ଉପରେ ଗୁରୁତ୍ୱ ଦିଆଯାଉଛି।
ଅନ୍ୟପଟେ, ଭସାଣି ଉତ୍ସବକୁ ଶାନ୍ତିପୂର୍ଣ୍ଣ ଓ ଶୃଙ୍ଖଳିତ ଭାବେ ସମ୍ପନ୍ନ କରିବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ସହରରେ ମୋଟ ୨୮ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି। ଭସାଣି ଶୋଭାଯାତ୍ରା, ଜନଗହଳିପୂର୍ଣ୍ଣ ସ୍ଥାନ ଓ ବିସର୍ଜନ ସ୍ଥଳରେ ଯେପରି କୌଣସି ଅପ୍ରୀତିକର ପରିସ୍ଥିତି ନଘଟେ, ସେଥିପ୍ରତି ପୋଲିସ ପକ୍ଷରୁ ସତର୍କ ନଜର ରଖାଯାଇଛି।
ସେହିପରି, ଆଜି ସନ୍ଧ୍ୟାରେ ରାଉରକେଲାର ସେକ୍ଟର-୧୩ ସ୍ଥିତ ମେଲଣ ପଡ଼ିଆରେ ମା’ ଦୁର୍ଗାଙ୍କ ମେଲଣ ଉତ୍ସବ ଅନୁଷ୍ଠିତ ହେଉଛି। ଏହି ଉତ୍ସବରେ ବିଭିନ୍ନ ପୂଜା ମଣ୍ଡପର ମା’ଙ୍କ ପ୍ରତିମା ଏକାଠି ହେବା ସହ ଶ୍ରଦ୍ଧାଳୁଙ୍କ ସମାଗମ ହେବାର ଆଶା ରହିଛି। ମେଲଣ ଉତ୍ସବକୁ ନେଇ ଭକ୍ତଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳୁଛି।
ମା’ଙ୍କୁ ବିଦାୟ ଦେବାର ଏହି ମୁହୂର୍ତ୍ତରେ ଗୋଟିଏ ପଟେ ଭକ୍ତି ଓ ଭାବାବେଗର ପରିବେଶ ସୃଷ୍ଟି ହୋଇଥିବା ବେଳେ, ଅନ୍ୟପଟେ ଉତ୍ସବକୁ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ କରିବା ପାଇଁ ପ୍ରଶାସନ ଓ ପୋଲିସ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଇଛି।
ତେବେ ଭକ୍ତି, ଉତ୍ସାହ ଓ ଭାବାବେଗ ମଧ୍ୟରେ ରାଉରକେଲାରେ ଚାଲିଛି ମା’ ଦୁର୍ଗାଙ୍କ ଭସାଣି ଉତ୍ସବ। ମା’ଙ୍କୁ ମେଲାଣି ଦେବା ସହ ଆସନ୍ତା ବର୍ଷ ପୁଣି ଧରାପୃଷ୍ଠକୁ ଆସିବା ପାଇଁ ଭକ୍ତମାନେ ପ୍ରାର୍ଥନା କରୁଛନ୍ତି।
ରାଉରକେଲାରେ ମା’ ଦୁର୍ଗାଙ୍କ ଭସାଣି ଉତ୍ସବ, ୨୮ ପ୍ଲାଟୁନ୍ ପୋଲିସ ଫୋର୍ସ ମୁତୟନ
ରାଉରକେଲା : ୨୩/୧୦
(ସତ୍ୟାନ୍ୟୁଜ) ରାଉରକେଲାରେ ଆଜି ଚାଲିଛି ମା’ ଦୁର୍ଗାଙ୍କ ଭସାଣି ଉତ୍ସବ। ଦଶହରାର ପୂଜାର୍ଚ୍ଚନା ପରେ ମା’ଙ୍କୁ ମେଲାଣି ଦେବା ପାଇଁ ଭକ୍ତଙ୍କ ମଧ୍ୟରେ ଦେଖିବାକୁ ମିଳିଛି ଉତ୍ସାହ ଓ ଭାବବିହ୍ୱଳ ପରିବେଶ। ସହରର ବିଭିନ୍ନ ପୂଜା ମଣ୍ଡପରୁ ମା’ଙ୍କ ପ୍ରତିମାକୁ ଭସାଣି ପାଇଁ ନିଆଯାଉଥିବା ବେଳେ, ଶାନ୍ତିଶୃଙ୍ଖଳା ରକ୍ଷା ଓ ସୁରକ୍ଷା ବ୍ୟବସ୍ଥାକୁ ନଜରରେ ରଖି ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି।
ରାଉରକେଲାରେ ଧୁମ୍ଧାମ୍ରେ ଚାଲିଛି ମା’ ଦୁର୍ଗାଙ୍କ ଭସାଣି ଉତ୍ସବ। ଢୋଲ, ମହୁରୀ ଓ ବାଜାର ତାଳେ ତାଳେ ଭକ୍ତିମୟ ପରିବେଶରେ ମା’ଙ୍କୁ ବିଦାୟ ଦେଉଛନ୍ତି ଶ୍ରଦ୍ଧାଳୁ। ବିଭିନ୍ନ ପୂଜା କମିଟି ପକ୍ଷରୁ ଆକର୍ଷଣୀୟ ଶୋଭାଯାତ୍ରାରେ ମା’ଙ୍କ ପ୍ରତିମାକୁ ଭସାଣି ସ୍ଥଳକୁ ନିଆଯାଉଛି।
ସହରର ବାଲୁଘାଟଠାରେ ନିର୍ମିତ ଅସ୍ଥାୟୀ ପୋଖରୀରେ ଏବେ ସୁଦ୍ଧା ୧୦ଟି ମା’ଙ୍କ ପ୍ରତିମା ବିସର୍ଜନ କରାଯାଇଛି। ରାତି ସୁଦ୍ଧା ଏହି ସ୍ଥାନରେ ଅତି କମ୍ରେ ୮୦ଟି ପୂଜା ମେଢ଼ର ପ୍ରତିମା ବିସର୍ଜନ କରାଯିବାର ଆକଳନ କରାଯାଇଛି। ଏଥିପାଇଁ ଭସାଣି ସ୍ଥଳରେ ଆବଶ୍ୟକୀୟ ବ୍ୟବସ୍ଥା ସହ ଶୃଙ୍ଖଳିତ ଭାବେ ବିସର୍ଜନ କାର୍ଯ୍ୟ ସମ୍ପନ୍ନ କରିବା ଉପରେ ଗୁରୁତ୍ୱ ଦିଆଯାଉଛି।
ଅନ୍ୟପଟେ, ଭସାଣି ଉତ୍ସବକୁ ଶାନ୍ତିପୂର୍ଣ୍ଣ ଓ ଶୃଙ୍ଖଳିତ ଭାବେ ସମ୍ପନ୍ନ କରିବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ସହରରେ ମୋଟ ୨୮ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି। ଭସାଣି ଶୋଭାଯାତ୍ରା, ଜନଗହଳିପୂର୍ଣ୍ଣ ସ୍ଥାନ ଓ ବିସର୍ଜନ ସ୍ଥଳରେ ଯେପରି କୌଣସି ଅପ୍ରୀତିକର ପରିସ୍ଥିତି ନଘଟେ, ସେଥିପ୍ରତି ପୋଲିସ ପକ୍ଷରୁ ସତର୍କ ନଜର ରଖାଯାଇଛି।
ସେହିପରି, ଆଜି ସନ୍ଧ୍ୟାରେ ରାଉରକେଲାର ସେକ୍ଟର-୧୩ ସ୍ଥିତ ମେଲଣ ପଡ଼ିଆରେ ମା’ ଦୁର୍ଗାଙ୍କ ମେଲଣ ଉତ୍ସବ ଅନୁଷ୍ଠିତ ହେଉଛି। ଏହି ଉତ୍ସବରେ ବିଭିନ୍ନ ପୂଜା ମଣ୍ଡପର ମା’ଙ୍କ ପ୍ରତିମା ଏକାଠି ହେବା ସହ ଶ୍ରଦ୍ଧାଳୁଙ୍କ ସମାଗମ ହେବାର ଆଶା ରହିଛି। ମେଲଣ ଉତ୍ସବକୁ ନେଇ ଭକ୍ତଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳୁଛି।
ମା’ଙ୍କୁ ବିଦାୟ ଦେବାର ଏହି ମୁହୂର୍ତ୍ତରେ ଗୋଟିଏ ପଟେ ଭକ୍ତି ଓ ଭାବାବେଗର ପରିବେଶ ସୃଷ୍ଟି ହୋଇଥିବା ବେଳେ, ଅନ୍ୟପଟେ ଉତ୍ସବକୁ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ କରିବା ପାଇଁ ପ୍ରଶାସନ ଓ ପୋଲିସ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଇଛି।
ତେବେ ଭକ୍ତି, ଉତ୍ସାହ ଓ ଭାବାବେଗ ମଧ୍ୟରେ ରାଉରକେଲାରେ ଚାଲିଛି ମା’ ଦୁର୍ଗାଙ୍କ ଭସାଣି ଉତ୍ସବ। ମା’ଙ୍କୁ ମେଲାଣି ଦେବା ସହ ଆସନ୍ତା ବର୍ଷ ପୁଣି ଧରାପୃଷ୍ଠକୁ ଆସିବା ପାଇଁ ଭକ୍ତମାନେ ପ୍ରାର୍ଥନା କରୁଛନ୍ତି।