ରାଉରକେଲା: ଛାତ୍ର ସଂସଦ ନିର୍ବାଚନ ଘୋଷଣା ପରେ କ୍ୟାମ୍ପସ ରାଜନୀତି ସରଗରମ।। ସହରର ୧୦ ଟି କଲେଜ୍ ରେ ହେବ ନିର୍ବାଚନ।

୮ ବର୍ଷ ପରେ ଛାତ୍ର ସଂଘ ନିର୍ବାଚନ ଘୋଷଣା, ପାନପୋଷ ଅଟୋନମସ କଲେଜରେ ଏବିଭିପିର ବିଜୟ ଉତ୍ସବ

ରାଉରକେଲା: ୬/୧୦
(ସତ୍ୟାନ୍ୟୁଜ) ଛାତ୍ର ସଂଘ ନିର୍ବାଚନ ଘୋଷଣା ପରେ ପାନପୋଷ ଅଟୋନମସ କଲେଜରେ ଏବିଭିପି ପକ୍ଷରୁ ବିଜୟ ଉତ୍ସବ ପାଳିତ ହୋଇଛି। ଆତସବାଜି ସହ ପରସ୍ପରକୁ ମିଠା ଖୁଆଇ ଖୁସି ମନାଇଥିଲେ ଏବିଭିପି କର୍ମୀ।
ଏବିଭିପି ନେତାମାନେ କହିଛନ୍ତି, ୮ ବର୍ଷର ସଂଘର୍ଷ ପରେ ଛାତ୍ର ସଂଘ ନିର୍ବାଚନ ଘୋଷଣା ସଂଗଠନର ସଂଘର୍ଷର ବିଜୟ। ଏଥିପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜଙ୍କୁ ଧନ୍ୟବାଦ ଜଣାଇଛି ସଂଗଠନ।
ଆସନ୍ତା ୧୫ ଅକ୍ଟୋବରରେ ସୁନ୍ଦରଗଡ଼ ଜିଲ୍ଲାର ପ୍ରାୟ ଦେଢ଼ ଡଜନ କଲେଜରେ ନିର୍ବାଚନ ହେବ। ରାଉରକେଲା ସହରର ୧୦ଟି କଲେଜରେ ନିର୍ବାଚନ ହେବାକୁ ଥିବାରୁ କ୍ୟାମ୍ପସରେ ରାଜନୈତିକ ମାହୋଲ ସରଗରମ ହୋଇଛି।