ରାଉରକେଲା/ଯାଜପୁର : ସୌମ୍ୟ ସାଗର ହତ୍ୟା ଘଟଣା ରେ ସ୍ତ୍ରୀ ଶୁଭଶ୍ରୀ ସମେତ ୫ ଗିରଫ।। ରାଉରକେଲାରୁ ୨ ଆର୍ମସ୍ ଡିଲର୍ ଗିରଫ।

ରାଉରକେଲା/ଯାଜପୁର : ୧୩/୪ (ସତ୍ୟାନ୍ୟୁଜ) ସ୍ବାମୀ କୁ ହତ୍ୟା କରିବା ପାଇଁ ସ୍ତ୍ରୀ ଦେଇଥିଲା ସୂପାରୀ। ବୟ ଫ୍ରେଣ୍ଡ୍ ସାଙ୍ଗରେ ମିଶି ରଚିଥିଲା ଷଡଯନ୍ତ୍ର। ରାଉରକେଲା ରୁ କିଣା ଯାଇଥିଲା ହତ୍ୟାରେ ବ୍ୟବହୃତ ପିସ୍ତଲ୍। ଶେଷରେ ପୋଲିସ ଗିରଫ କରିଛି ଷଡଯନ୍ତ୍ରକାରୀ ସ୍ତ୍ରୀ ଏବଂ ୫ ଜଣ ସହଯୋଗୀଙ୍କୁ। ଗିରଫ ଙ୍କ ମଧ୍ୟରେ ଦୁଇ ଜଣ ମହିଳା ୩ ଜଣ ପୁରୁଷ ଅଛନ୍ତି। ରାଉରକେଲାରୁ ଗିରଫ ହୋଇଛନ୍ତି ପିସ୍ତଲ୍ ଯୋଗାଇଥିବା ଅଙ୍କିତ ଠାକୁର ଏବଂ ସୂରଜ ସିଂ।
ଅପ୍ରେଲ ୬ ତାରିଖ ସନ୍ଧ୍ୟାରେ ଯାଜପୁର ଟାଉନ୍ ରେ ସୌମ୍ୟ ସାଗର ସାମଲ ଙ୍କୁ ଗୁଳି କରି ହତ୍ୟା କରା ଯାଇଥିଲା। ଏହି ଘଟଣା ସେତେ ବେଳେ ସମଗ୍ର ଜିଲ୍ଲାରେ ଚାଞ୍ଚଲ୍ୟ ସୃଷ୍ଟି କରିଥିଲା।
ପୋଲିସ୍ ତଦନ୍ତ ପରେ ସୌମ୍ୟ ସାଗର ଙ୍କ ପତ୍ନୀ ଶୁଭଶ୍ରୀ , ତାଙ୍କ ପୁରୁଷ ବନ୍ଧୁ ଙ୍କ ସହ ୫ ଜଣଙ୍କୁ ଗିରଫ କରିଛି। ହତ୍ୟା ପାଇଁ ରାଉରକେଲା ରୁ ଅଣାଯାଇଥିବା ପିସ୍ତଲ୍, ଗୁଳି , ମୋବାଇଲ ଫୋନ୍ , ହତ୍ୟା ସମୟରେ ବ୍ୟବହୃତ ବାଇକ୍ ଆଦି ଜବତ କରା ଯାଇଛି। ଏ ବାବଦରେ ଅଧିକ ତଦନ୍ତ ଜାରି ରହିଛି।