ସୁନ୍ଦରଗଡ଼ : ୩୦ ଲକ୍ଷ ଟଙ୍କା ର ଚୋରା ଗଞ୍ଜେଇ ଜବତ।। ୨ ଗିରଫ।। ପଞ୍ଜାବ ଚାଲାଣ ହେଉଥିଲା ଏହି ଗଞ୍ଜେଇ।

ସୁନ୍ଦରଗଡ଼:୮/୩(ସତ୍ୟାନ୍ୟୁଜ) ସୁନ୍ଦରଗଡ ଟାଉନ୍ ଥାନା ପୁଲିସ ପ୍ରାୟ ଦେଢ଼ କୁଇଣ୍ଟାଲ୍ ବେଆଇନ୍ ଗଞ୍ଜେଇ ଜବତ କରିଛି। ଏହା ସହ ଗଞ୍ଜେଇ ଚାଲାଣ ହେଉଥିବା ଟ୍ରକକୁ ମଧ୍ୟ ଜବତ କରା ଯାଇଛି। ଚୋରା ଗଞ୍ଜେଇ ଚାଲାଣ ଅଭିଯୋଗରେ ୨ ଜଣଙ୍କୁ ଗିରଫ କରା ଯାଇଛି। ଗିରଫ ଡ୍ରଗ୍ସ ଚାଲାଣକାରୀଙ୍କ ନିକଟରୁ ତିନୋଟି ମୋବାଇଲ ଫୋନ୍ ଏବଂ ନଗଦ ୬ ହଜାର ଟଙ୍କା ଜବତ କରାଯାଇଛି । ଗିରଫ ଦୁଇ ଜଣ ପଞ୍ଜାବ ମହେନ୍ଦ୍ରଗଞ୍ଜ ଜିଲ୍ଲାର। ଏହି ଦୁଇ ଜଣ ବୌଦ୍ଧ ଅଞ୍ଚଳରୁ ଗଞ୍ଜେଇ ଆଣି ୮ଟି କାଜୁ ଚୋପା ବସ୍ତା ମଧ୍ୟରେ ରଖି ପଞ୍ଜାବ ଚାଲାଣ କରୁଥିଲେ। ଜବତ୍ ଗଞ୍ଜେଇ ର ଆନୁମାନିକ ମୂଲ୍ୟ ୩୦ ଲକ୍ଷ୍ୟ ଟଙ୍କା ହେବ ବୋଲି କୁହା ଯାଉଛି। ଏହି ଡ୍ରଗ୍ସ ଚାଲାଣ ରେ ଆଉ କେଉଁ ମାନେ ସମ୍ପୃକ୍ତ ଅଛନ୍ତି ତାର ତଦନ୍ତ ଚାଲିଛି ବୋଲି ସୁନ୍ଦରଗଡ଼ ଏସପି କହିଛନ୍ତି।

ରାଉରକେଲା ପଟକୁ କିଛି ବ୍ୟକ୍ତି ଏକ ଟ୍ରକ (ପିବି ୧୩ ଏ ଡବ୍ଲୁ ୩୮୭୦) ରେ ବିପୁଳ ପଆ ପରିମାଣର ଗଞ୍ଜେଇ ଚାଲାଣ ହେଉଥିବା ଏକ ବିଶେଷ ସୂତ୍ରରୁ ସୂଚନା ପାଇବା ପରେ ଟାଉନ୍ ଥାନା ଅଧିକାରୀ ସୁଶାନ୍ତ ପରିଡ଼ା ଏବଂ ପୋଲିସ ଦଳ ବିଜୁ ଏକ୍ସପ୍ରେସୱେ ର କିରେଇ ସୁସିଲା ମୋଟର୍ସ ନିକଟରେ ଉପରୋକ୍ତ ଟ୍ରକକୁ ଅଟକାଇ ଯାଞ୍ଚ କଲା ପରେ ସେଥିରେ କାଜୁ ଚୋପା ବସ୍ତା ସହିତ ୮ ଟି ବସ୍ତାରେ ଗଞ୍ଜେଇ ଠାବ କରିଥିଲା ପୁଲିସ । ଏହା ପରେ ଟ୍ରକ ଟି କୁ ଜବତ କରିବା ସହ ଏହାର ଡ୍ରାଇଭର ଏବଂ ସହଯୋଗୀ କୁ ଗିରଫ କରାଯାଇଥିଲା ।ପୁଲିସ ପଚରାଉଚୁରା ରେ ସେମାନେ ବୌଦ୍ଧ ଅଞ୍ଚଳରୁ ଚୋରା ଗଞ୍ଜେଇ ଲୋଡ୍ କରି ଅଧିକ ମୂଲ୍ୟରେ ବିକ୍ରୟ କରିବା ପାଇଁ ପଞ୍ଜାବର ଲୁଧିଆନାକୁ ଚାଲାଣ କରୁଥିବା ସ୍ୱୀକାର କରିଥିଲେ। ସୁନ୍ଦରଗଡ଼ ଏସପିଙ୍କ ପ୍ରତ୍ୟକ୍ଷ ତଦାରଖରେ, ଏହି ଆନ୍ତଃରାଜ୍ୟ ଗଞ୍ଜେଇ ଚୋରା ଚାଲାଣ ରାକେଟରେ ଆହୁରି କିଏ କିଏ ସଂପୃକ୍ତ ତାର ଅଧିକ ତଦନ୍ତ କରିବା ପାଇଁ ଏକ ସ୍ୱତନ୍ତ୍ର ପୋଲିସ ଦଳ ଗଠନ କରାଯାଇଛି। ଜବତ ଚୋରା ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୩୦ ଲକ୍ଷ ଟଙ୍କା ହେବ ବୋଲି ଏସପି ଅମ୍ରିତପାଲ କୌର ଟାଉନ୍ ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଛୋଟ ମୋଟ ଗଞ୍ଜେଇ ଜବତ ମାମଲା କୁ ଛାଡି ଦେଲେ ପ୍ରାୟ ୮ ମାସ ପରେ ଏପରି ଏକ ବଡ ଧରଣ ର ଗଞ୍ଜେଇ ଜବତ କରିବାରେ ସଫଳ ହୋଇଛି ସୁନ୍ଦରଗଡ ଟାଉନ୍ ଥାନା ପୁଲିସ ।