ରାଉରକେଲା : ବୁଡ଼ି ଯାଉଥିବା ଯୁବକଙ୍କୁ ଉଦ୍ଧାର କଲେ ପୋଲିସ୍ ଅଧିକାରୀ।। ପୋଲିସ୍ ଅଧିକାରୀଙ୍କ ସାହସିକତା କୁ ପ୍ରଶଂସା।

ରାଉରକେଲା:୬/୨(ସତ୍ୟାନ୍ୟୁଜ) ପୋଲିସ୍ ଅଧିକାରୀଙ୍କ ସାହସିକତା ଏବଂ କର୍ତ୍ତବ୍ୟପରାୟଣତା କୁ ସମସ୍ତେ ପ୍ରଶଂସା କରୁଛନ୍ତି। କାମ ମଧ୍ୟ କରିଛନ୍ତି ପ୍ରଶଂସା ଯୋଗ୍ୟ। ଗୁରୁବାର ରାତିରେ ଜଣେ ଯୁବକ କୌଣସି କାରଣରୁ ପ୍ଲାଣ୍ଟସାଇଟ ଥାନା ଅନ୍ତର୍ଗତ ଗୋପବନ୍ଧୁ ପାଲି ରେ ଥିବା ଏକ ପୋଖରୀ କୁ ଡେଇଁ ପଡ଼ିଥିଲେ। ସେ ବୁଡ଼ି ଯାଉଥିବା ବେଳେ ସ୍ଥାନୀୟ ଲୋକେ ପୋଲିସ୍ କୁ ଖବର ଦେଇ ଥିଲେ। ସୂଚନା ପାଇ ଗୋପବନ୍ଧୁ ପାଲି ଥାନା ଅଧିକାରୀ ଚିନ୍ମୟ ବଳ ତୁରନ୍ତ ସେଠାରେ ପହଞ୍ଚି ନିଜେ ପୋଖରୀ କୁ ରାତି ଅନ୍ଧାରରେ ଡେଇଁ ପଡି ଥିଲେ। ଶେଷରେ ସେ ବୁଡ଼ି ଯାଉଥିବା ଯୁବକଙ୍କୁ ପାଣିରୁ ଜୀବିତ ଅବସ୍ଥାରେ ଉଦ୍ଧାର କରି ଆଣିଥିଲେ। ଅବଶ୍ୟ ସ୍ଥାନୀୟ ଯୁବକ ମାନେ ଉଦ୍ଧାର କାର୍ଯ୍ୟରେ ସାହାଯ୍ୟ କରିଥିଲେ। ମାତ୍ର ପୋଲିସ୍ ଅଧିକାରୀ ଚିନ୍ମୟ ଙ୍କ କର୍ତ୍ତବ୍ୟ ପରାୟଣତା କୁ ସମସ୍ତେ ପ୍ରଶଂସା କରୁଛନ୍ତି।