ରାଉରକେଲା : ଧୀରେ ଧୀରେସୁଧୁରୁଛି ସହରର ଟ୍ରାଫିକ ବ୍ୟବସ୍ଥା।। ୩ ଟି ଛକରେ ଅଟୋ ସିଗ୍ନାଲ ବ୍ୟବସ୍ଥା କାର୍ଯ୍ୟକ୍ଷମ ହେଲା।

ରାଉରକେଲା:୩୧/୧(ସତ୍ୟାନ୍ୟୁଜ) ରାଉରକେଲା ଟ୍ରାଫିକ ବ୍ୟବସ୍ଥାରେ ଧୀରେ ଧୀରେ ସୁଧାର ଅଣା ଯାଉଛି। ସହରର ର ଟ୍ରାଫିକ୍ ସମସ୍ୟା ଦିନକୁ ଦିନ ବୃଦ୍ଧି ପାଉଥିବାରୁ ଏବେ ବିଭିନ୍ନ ଛକ ସ୍ଥାନରେ ଅଟୋ ସିଗ୍ନାଲ ବ୍ୟବସ୍ଥା କରା ଯାଇଛି। ଏହା ଦ୍ବାରା ଯାନ ବାହନ ଚଳାଚଳ ସହଜ ହୋଇଥିବା ବେଳେ ଦୁର୍ଘଟଣା ହାର ମଧ୍ୟ କମ ରହୁଛି। ପୂର୍ବରୁ କେବଳ ଇନ୍ଦିରା ଗାନ୍ଧୀ ପାର୍କ ନିକଟ ଟ୍ରାଫିକ ଟାୱାର ରେ ଅଟୋ ସିଗ୍ନାଲ ସିଷ୍ଟମ୍ ଥିଲା। ଏବେ ଡିଏଭି ଛକ ଏବଂ ଆମ୍ବାଗାନ୍ ଛକରେ ଅଟୋ ସିଗ୍ନାଲ ସିଷ୍ଟମ୍ ଆରମ୍ଭ କରା ଯାଇଛି। ତେବେ ଏହି ସିଷ୍ଟମ୍ ରେ ଥିବା କେତେକ ତ୍ରୁଟି ବିଚ୍ୟୁତି କୁ ସତ୍ୟା ନ୍ୟୁଜ ଚାନେଲ୍ ମାଧ୍ୟମରେ ପ୍ରଶାସନ ର ନଜର କୁ ଅଣା ଯାଇଥିଲା। ଡିଏଭି ଛକରେ ଚାରି ପଟକୁ ଟାଇମ୍ ସେଟ୍ କାମ କରୁ ନଥିଲା। ସମ୍ବାଦ ପରିବେଷଣ ପରେ ସ୍ମାର୍ଟ ସିଟି ଲିମିଟେଡ ଏବଂ ଟ୍ରାଫିକ କର୍ତ୍ତୃପକ୍ଷ ତୁରନ୍ତ ସିଷ୍ଟମ୍ କୁ ଠିକ୍ କରି ନେଇଥିଲେ। ଏହାଛଡା ସହରର ଅନ୍ୟ ଛକ ସ୍ଥାନରେ ଲାଗିଥିବା ଅଟୋ ସିଗ୍ନାଲ ବ୍ୟବସ୍ଥା କୁ ଶୀଘ୍ର କାର୍ଯ୍ୟକ୍ଷମ କଲେ ଟ୍ରାଫିକ ବ୍ୟବସ୍ଥା ବହୁ ପରିମାଣରେ ସୁଧୁରି ଯିବା ନେଇ ମତ ପ୍ରକାଶ ପାଉଛି।